Bæjaryfirvöld Fjarðabyggðar fara offari í gjaldtökum

Bæjaryfirvöld Fjarðabyggðar fara offari í gjaldtökum

SONY DSCMörgum er lítið skemmt í Fjarðabyggð þessa dagana. Ástæðan er bréf frá bæjaryfirvöldum þess efnis að eigendur geri grein fyrir gám, bát, bíl eða einhverju öðru í þeirra eigu og þeim hinum sömu gert að sækja um stöðuleyfi fyrir viðkomandi eign.

Dæmi eru um að einstaklingar sem eru að gera upp báta sem standa til hliðar við eigin hús, verði að sækja um stöðuleyfi og greiða fyrir það tugir þúsunda á ári.

Stolt fáskrúðsfirðinga er vélbáturinn Rex, sem stendur á áberandi stað í byggðarkjarnanum.

Stolt fáskrúðsfirðinga er vélbáturinn Rex, sem stendur á áberandi stað í byggðarkjarnanum.

Annað dæmi er um að eiganda báts sem stóð á stæði við iðnaðarhús þar sem verið var að vinna í bátnum, hafi verið gert að færa hann niður að höfn, annars þyrfti hann að sækja um stöðuleyfi með tilheyrandi útgjöldum. Enn öðrum, eiganda hesthúss, þar sem gámur hafði staðið við hlið hesthússins í áratugi og hann nýttur sem heygeymsla, var gert að sækja um stöðuleyfi, eða byggingarleyfi fyrir gáminn.

Þá og var eiganda skráðs hestaflutningabíls, sem staðsettur var í hesthúsahverfi, fyrir því að bíllinn hans var skilgreindur sem gámur og eigandanum gert að sækja um stöðuleyfi.

Hestamenn í vinnu við að lagfæra aðstöð sína.

Hestamenn í vinnu við að lagfæra aðstöð sína.

Það er með ólíkindum að bæjaryfirvöld skuli fara fram með þessum hætti og vandséð hvað hangir á spýtunni? – Er bæjarfélagið svo á heljarþröm fjárhagslega, að allar leiðir eru nýttar til að skrapa peningum í kassann, með þessum hvimleiða hætti?

Hingað til hefur það að búa “útá landi”, falið í sér ákveðið frelsi til athafna. Menn hafa óáreittir fengið að dytta að bátnum og dunda sér við hrossin sín án þess að ofvirk bæjaryfirvöld hafi verið að skipta sér af viðkomandi einstaklingum með óhóflegum gjaldtökum. – Spurning hvað eigi að ganga langt í því að hefta athafnafrelsi manna, sem vandséð er að séu fyrir öðrum þegar þeir eru að sinna áhugamálum sínum. – Alla vega kannast ég ekki við að viðkomandi aðilar hafi verið uppvísir að sóðaskap eða ruslasöfnun í þeim tilvikum sem hér eru nefnd.


Tengdar greinar

Hverfaráð í stað Austurbrúar

Einhvern veginn hef ég ekki trú á fyrirbrigðinu Austurbrú. Held að þetta sé svona fínni-manna-klúbbur sem hugsar stórt, heldur hátimbraða

Loðin markaðssetning á vöru og þjónustu

Mörg af stærstu og virtustu fyrirtækjum landsins auglýsa fjálglega í sjónvarpi og öðrum fjölmiðlum. Þegar vefsvæðum þessara fyrirtækja er flett

Magnaðir framsóknarmenn – Myndbönd frá Nútímanum

Fyrra myndbandið er söngvaseiður með Sveinbjörgu Birnu, þar sem hún fer á kostum í Kastljósi. Seinna myndbandið er með Gunnari

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!