Byko hætt og farið, -og Húsasmiðjan á leiðinni frá Fjarðabyggð

Byko hætt og farið, -og Húsasmiðjan á leiðinni frá Fjarðabyggð

Á síðasta fundi Bæjarstjórnar var bókað: “Bæjarstjórn Fjarðabyggðar mótmælir harðlega þeirri ákvörðun Húsasmiðjunnar að loka verslun sinni á Reyðarfirði. Það skýtur skökku við að fyrirtæki eins og Húsasmiðjan sjái sér ekki fært að reka verslun í sveitarfélagi eins og Fjarðabyggð þar sem langstærsti hluti veltu fyrirtækja á Austurlandi verður til. Eru þetta sérstök vonbrigði í ljósi fundar sem haldinn var að undirlagi Fjarðabyggðar með stjórnendum Húsasmiðjunnar í lok ágúst síðastliðnum þar sem kom fram að ekki stæði til að loka versluninni á Reyðarfirði heldur reyna að sækja frekar fram í rekstri hennar.

Sú mikla þjónustuskerðing sem nú fer fram, í boði stórfyrirtækja á landsvísu, og virðist helst beinast að landsbyggðinni er með öllu ólíðandi og hvetur bæjarstjórn Fjarðabyggðar stofnanir sveitarfélagsins og íbúa alla að beina viðskiptum sínum til fyrirtækja sem hér starfrækja þjónustu í sveitarfélaginu.”

Við þetta viljum við bæta að Byko á Reyðarfirði lokaði þjónustuverslun sinni um áramótin 2017-2018 og sagði upp öllu starfsfólki, nema verslunarstjóranum. – Hann hefur svo fram til dagsins í dag, tekið við og afgreitt “stærri” vörupantanir frá Byko.

Við sem þurfum sárlega á þjónustu byggingaverslanna að halda hörmum og þykir nöturlegt að sjá einnig á eftir Húsasmiðjunni, sem m.a. hefur ráðið til sín starfsfólk sem Byko sagði upp á sínum tíma. Við skorum á alla þá sem að byggingariðnaði koma að beina viðskiptum sínum í meira mæli til Húsasmiðjunnar á Reyðarfirði í von um að með auknum viðskiptum sjái forsvarsmenn fyrirtækisins grundvöll fyrir áframhaldandi staðsetningu fyrirtækisins á svæðinu. – Sækjum ekki vatnið yfir lækinn.


Tengdar greinar

Nett hjólhýsi

Ótrúlega snjöll útfærsla á hjólhýsi. Sjá meðfylgjandi video.

Þriðja Kjörbúðin opnar í Fjarðabyggð

Föstudaginn 10. febrúar sl. opnaði Kjörbúð í Neskaupstað. Þar áður hafði Kjörbúð verið opnuð í Fáskrúðsfirði og önnur í Eskifirði.

Vertu á verði.is, í tjóni

ASÍ láglaunalögreglan, sem heldur utan um vefinn Vertu á verði.is virðist hafa gefist upp á hlutverki sínu við að halda

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!