Dýrt að fiska sér í soðið í Fjarðabyggð

Dýrt að fiska sér í soðið í Fjarðabyggð

SONY DSCÞað kostar trillukarl minnst 85.255 krónur á ári að vera með lítið trilluhorn bundið við bryggju í Fjarðabyggð. Margir eldri borgarar og áhugamenn um dorgveiði álíta að hægt sé að spara í matarinnkaupum við að eiga trilluhorn, en slíkt er hinn mesti misskilningur þegar málið er skoðað ofan í kjölinn. Fjárfesting í smábát er vart undir 1.5 milljónum. Við þetta bætist viðhaldskostnaður og útgjaldaliðir eins og olía, færi, sökkur, önglar og fleira. – Varlega má áætla að útgjöld vegna trilluhorns í höfnum Fjarðabyggðar séu ekki undir 10-15 þúsund á mánuði, þar af 7.105 krónur fyrir bryggjugjöld í mánuði hverjum. – Heildarkostnaður er því frá 120 – 180 þúsund á ári, þegar allt er týnt til.

Spurning er hvort forráðamenn Fjarðabyggðar sjái sér fært að lækka bryggjugjöld af smábátum sem eru í eigu einstaklinga sem stunda smábátaútgerð sér til heilsubótar og ánægjuauka. – Einnig mætti sveitarfélagið fara að fordæmi margra annara byggðarlaga sem gefa eftir hluta bryggjugjalda til eldri borgara 67 ára og eldri sem eiga sér trilluhorn til dægrastyttingar á ævikvöldi.


Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!