ENDURREISUM HEILBRIGÐISKERFIÐ

ENDURREISUM HEILBRIGÐISKERFIÐ

Kári Stefánsson hefur farið af stað með undirskriftarlista, þar sem skorað er á Alþingi að auka framlög til reksturs heilbrigðiskerfisins. Vefsíða undirskriftasöfnunar.

Kári segir heilbrigðiskerfið “…einn af hornsteinum nútímasamfélags og sýnir vilja þess til þess að hlúa að þeim sem eru sjúkir og meiddir. Gott heilbrigðiskerfi endurspeglar sjálfsagða samhygð en lélegt heilbrigðiskerfi óásættanlegan kulda gagnvart þeim sem eru hjálpar þurfi. Það er okkar mat að á síðasta aldarfjórðungi hafi stjórnvöld vannært íslenskt heilbrigðiskerfi, að því marki að það sé ekki lengur þess megnugt að sinna hlutverki sínu sem skyldi.

Það hefur ekki fylgt framþróun í læknisfræði, hvorki hvað snertir notkun á tækjabúnaði né bestu lyfjum og helstu stofnanir þess eru hýstar á þann veg að það kemur í veg fyrir að hægt sé að veita nægilega mikla og góða þjónustu. Hnignun heilbrigðiskerfisins hefur að mestu leyti verið óháð því hvaða stjórnmálaflokkar hafa verið við völd vegna þess að hún hefur verið stöðug og samfelld.

Íslendingar eyða því sem nemur 8.7% af vergri landsframleiðslu í heilbrigðismál og er það langt undir meðaltali á Norðurlöndum. Það er mat þeirra sem gerst þekkja til að við þurfum að eyða allt að 11% af vergri landsframleiðslu í heilbrigðismál vegna þess að við erum fá og dreifð sem gerir þjónustuna dýrari en meðal stærri og þéttbýlli þjóða. Þar sem kjörnir fulltrúar þjóðarinnar um aldarfjórðungsskeið hafa ekki haft að því frumkvæði að fjármagna heilbrigðiskerfið eins og skyldi, ætlum við undirrituð að taka frumkvæðið með eftirfarandi kröfu.

VIÐ UNDIRRITUÐ KREFJUMST ÞESS AÐ ALÞINGI VERJI ÁRLEGA 11% AF VERGRI LANDSFRAMLEIÐSLU TIL REKSTURS HEILBRIGÐISKERFISINS. Vefsíða undirskriftasöfnunar..


Tengdar greinar

2 tonn af lýsi fóru í sjóinn í Fáskrúðsfirði

Samkvæmt frétt á Rúv.is í dag töpuðust 2 tonn af lýsi í sjóinn sl. laugardag og er nokkuð um grútarblautan

Alcoa aftur útnefnt virtasta málmfyrirtæki heims

“Að mati tímaritsins Fortune er Alcoa virtasta málmfyrirtæki heims á lista tímaritsins yfir orðspor fyrirtækja sem birtur er árlega. Þetta

Gott veður

Óli Reynis nýtti daginn og hreyfði tamningatryppin. Á myndum má sjá hvar hann fer um á Rispu frá Gröf, 6

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!