Er íslenska krónan búin að vera?

Er íslenska krónan búin að vera?

Viðskiptablaðið greinir frá því í apríl síðast liðnum sjá hér að kínverjar hefðu verið að skoða áhrif þess að lækka gengi gjaldmiðils síns í tengslum við viðskiptadeilur við Bandaríkin.

Nú hefur íslenska krónan fallið um 12.5 prósentustig frá 26.júlí síðast liðnum til dagsins í dag, og svo virðist sem hún eigi eftir að lækka enn frekar á næstu dögum ef Seðlabankinn grípur ekki til aðgerða.

Fjármálaspekúlantar greiningardeilda bankanna virðast koma af fjöllum, sáu þessa þróun ekki fyrir, höfðu jafnvel spáð styrkingu krónunnar nú á haustdögum, en alls ekki slíkri gengisfellingu sem nú er raunin. Þegar spurt er hvað valdi, þá eru svörin misvísandi og loðin. – Kannski er ekkert hægt að gera fyrir þessa krónuómynd okkar.

Ef kínverjar lækka gengi gjaldmiðils síns til þess eins að bæta stöðuna gagnvart bandarískum stjórnvöldum, má svo sem í ljósi sögunnar, velta upp þeim möguleika að íslensk stjórnvöld séu með aðgerðum eða aðgerðaleysi að jafna hlut einstakra atvinnugreina, svo sem fiskvinnslu og ferðaiðnaðar.

Það þarf vart að fjölyrða að reikningur fyrir slíka og þvílíka stjórnsýslu, lendir viðstöðulaust hjá fólkinu í landinu með skertri kaupgetu og hækkun verðtryggðra húsnæðislána.


Tengdar greinar

Sirkusinn mættur á Austurvöll

Það er alltaf gaman þegar hann mætir í miðbæinn með sitt árlega húllumhæ. Sumir fatta ekki grínið, halda að plottið

Kartöflusalatið 6 daga fram yfir Best fyrir dagsetningu

Í ný útgefnum og rýmkuðum reglum/leiðbeiningum MAST, Matvælastofnunar, er varða merkingar og geymsluþol matvæla er farið yfir markaðssetningu á matvælum

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!