Er sjálfgert að hætta á lyfjunum sínum?

Er sjálfgert að hætta á lyfjunum sínum?

drugMargir þeir sem búa við skert laun; aldraðir, öryrkjar og atvinnulausir, sjá sér ekki fært að leysa út lyfin sín nema stofna til skulda við lyfsalann. Þessir aðilar grípa gjarnan til þess ráðs að hætta á lyfjunum eða spara inntöku þeirra. – Dæmi eru um að lyf kosti tugir þúsunda og margir sjá sér ekki fært að fjármagna þau með þeim launum sem þeir hafa til ráðstöfunar.

Hafa skal í huga að kostnaður er mestur fyrst á hverju 12 mánaða tímabili

“Greiðsluþátttaka sjúkratrygginga fer eftir heildarkostnaði sjúkratryggðs miðað við greiðslu­þátttökuverð, sbr. 6. gr., vegna lyfja sem sjúkratryggður kaupir á tólf mánaða tímabili sem reiknast frá fyrstu lyfjakaupum. Nýtt tímabil hefst þegar sjúkratryggður kaupir lyf í fyrsta skipti eftir að fyrra tímabili lýkur.

Greiðsluþátttaka sjúkratrygginga vegna kaupa á lyfjum hefst eftir að heildarkostnaður sam­kvæmt framansögðu á tólf mánaða tímabili hefur náð 24.075 kr. Fari heildar­kostnaður á tólf mánaða tímabili yfir 24.075 kr. er greiðsluþátttaka sjúkratrygg­inga sem hér segir:

85% af þeim hluta sem er umfram 24.075 kr. og allt að 96.300 kr.
92,5% af þeim hluta sem er umfram 96.300 kr.

Þegar sjúkratryggður hefur greitt 69.416 kr. er Sjúkratryggingum Íslands heimilt sam­kvæmt umsókn frá lækni sjúkratryggðs að ákvarða fulla greiðsluþátttöku sjúkra­trygg­inga það sem eftir er af tólf mánaða tímabilinu skv. 6. og 11. gr.

Greiðsluþátttaka sjúkratrygginga vegna kaupa á lyfjum aldraðs, öryrkja, barns eða ungmennis hefst eftir að heildarkostnaður samkvæmt framansögðu á tólf mánaða tímabili hefur náð 16.050 kr. Fari heildarkostnaður á tólf mánaða tímabili yfir 16.050 kr. er greiðsluþátttaka sjúkratrygginga sem hér segir:

85% af þeim hluta sem er umfram 16.050 kr. og allt að 64.200 kr.
92,5% af þeim hluta sem er umfram 64.200 kr.

Þegar aldraður, öryrki, barn eða ungmenni hefur greitt 48.150 kr. er Sjúkratryggingum Íslands heimilt samkvæmt umsókn frá lækni sjúkratryggðs að ákvarða fulla greiðsluþátttöku sjúkratrygginga það sem eftir er af tólf mánaða tímabilinu skv. 6. og 11. gr.” – Sjá nánar á vef: Sjúkratrygginga Íslands.


Tengdar greinar

Komugjöld í heilsugæslu felld niður hjá öryrkjum og öldruðum

„Hætt verður að innheimta komugjöld af öryrkjum og öldruðum í heilsugæslu og hjá heimilislæknum frá 1. janúar næstkomandi, samkvæmt ákvörðun

Réttlæti fyrir öryrkja og ellilífeyrisþega á Íslandi – Áskorun

Halló öll! Eruð þið búin að skrifa undir áskorun á Alþingi Íslendinga um réttlæti fyrir öryrkja og ellilífeyrisþega á Íslandi?

Intouchables, – góð kvikmynd

Myndin fjallar að mestu um samskipti og lífsskoðanir tveggja ólíkra manna. Annar er lamaður eftir slys og ræður hinn, fyrrverandi

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!