Er sjón- og hávaðamengun af vindmyllum?

Er sjón- og hávaðamengun af vindmyllum?

9e2d79ae7f3131aVið greindum frá því fyrir stuttu að Eigna- skipulags- og umhverfisnefnd Fjarðabyggðar, hefði hafnað erindi einstaklings á Stöðvarfirði, þess efnis að fá að setja upp tvær vindrafstöðvar á norðurhlið bílskúrs húss síns. Rafstöðvarnar sem um ræddi voru annars vegar 1-2 Kw og hin 3 Kw. Minni rafstöðin sögð með 2 m vænghafi á 6 metra háu röri og hin með 4 metra vænghafi á 8 metra háu röri. – Orkuna hugðist hann nýta til húshitunar. Nefndin neitaði erindinu. Taldi vindmyllurnar ekki eiga heima í þéttbýli vegna sjónmengunar og mögulegrar hávaðamengunar.

Guðmundur Þorgrímsson, bæjarfulltrúi kvað sér hljóðs á síðasta fundi bæjarstjórnar og gagnrýndi hvernig staðið var að höfnun erindis á þeim forsendum að nefndin teldi uppsetningu á vindmyllunum skapa “sjónmengun annars vegar og hugsanlega hávaðamengun hins vegar.”

Guðmundur sagðist velta fyrir sér hver búi til slik viðmið, hvort það séu fundarmenn, einn eða fleiri? – Þá nefndi hann varmadælurnar, honum fyndist þær svo sem bölvuð sjónmengun utan á hverju húsi. “Afhverju þá að leyfa þær? – Þær eru hugsanleg sjónmengun fyrir einhverja”. – Hann taldi vanta frekari rökstuðning þegar verið væri að hafna því sem er hjartans mál einhvers viðkomandi aðila. Þá megi höfnun ekki vera byggð á einhverju sem er; “talið vera, eða geti hugsanlega verið”.


Tengdar greinar

Grútarmengun í Fáskrúðsfirði

Það skyggði á veðurblíðuna í dag að þykkt grútarlag mengaði sjó og fjöruborð í firðinum fagra. Smábátahöfnin fór ekki varhluta

Gleðileg jól

Óskum öllum þeim sem hafa heimsótt okkur hér á Aust.is, gleðilegra jóla.

Músagildrukúrinn slær í gegn

Við höfum verið að skoða matarkúra að undanförnu. Fátt nýtt hefur komið fram síðan Adkins kúrinn var uppá sitt besta.

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!