Forsetinn Ólafur Ragnar Grímsson aðstoðar við úthlutun matar til fátækra

Forsetinn Ólafur Ragnar Grímsson aðstoðar við úthlutun matar til fátækra
Ólafur Ragnar Grímsson

Ólafur Ragnar Grímsson

Það yljaði um hjartaræturnar að sjá í fréttum Rúv að forsetahjónin voru komin til Keflavíkur til að aðstoða heimamenn við úthlutun á matvælum fyrir jólin. Haft var eftir Ólafi Ragnari Grímssyni forseta Íslands “að honum sé það óskiljanlegt að hér á landi skuli ekki allir geta haldið mannsæmandi jólahátíð en þurfi að reiða sig á matargjafir og aðra aðstoð. Aldraðir og öryrkjar eigi ekki að þurfa að bíða í röð úti í kuldanum eftir aðstoð.”

Þá segir í sömu frétt: “Stjórnarmeirihlutinn hafnaði á lokadögum þingsins breytingatillögu minnihlutans á Alþingi við fjáraukalög sem hefðu hækkað bæturnar aldraðra og öryrkja afturvirkt. „Þeir sem hafa byggt upp þetta þjóðfélag, þá velmegun sem við njótum í dag, þá innviði þess íslands sem við þekkjum, eru hinir öldruðu,“ segir forsetinn. „Við eigum þakkarskuld við þetta fólk að það geti lifað sómasamlegu lífi og hvort sem það eru aldraðir eða öryrkjar eða fólkið sem þarf að standa hérna í biðröð í kuldanum til að eiga mat fyrir sjálfan sig og börnin er auðvitað merki um það að við sem þjóð höfum ekki staðið okkur.“ Rúv.is

Hvað á svo Bjarni Benediktsson nákvæmlega við þegar hann skrifar á Twitter: “Sýnist ÓRG vilja nýja forgangsröðun. Hvað með að hætta að úthluta forsetanum milljónum fyrir stórveislur þar sem vesluborðin svigna?” – Ætlar Bjarni Benediktsson að hirða alsnægtarborðið af Ólafi Ragnari Grímssyni, af því forsetinn finnur til með þeim sem minna mega sín?


Tengdar greinar

Fundur með hestamönnum í Fjarðabyggð

Niðurstaða fundar var helst sú að Fjarðabyggð hefur tímabundið, fallið frá fyrirhugaðri gjaldtöku fyrir hrossabeit innan bæjarfélagsins. Nokkur umræða varð

Þingmennirnir sem höfnuðu kjarabótum til aldraðra og öryrkja

Þessir þingmenn höfnuðu breytingartillögu minnihluta alþingis um afturvirkni kjara aldraðra og öryrkja. Þeir ákváðu að skilja þessa hópa eftir. –

Bílvelta í Fáskrúðsfirði

Meðfylgjandi myndir voru teknar í morgun af bifreið sem hafði oltið við þjóðvegamótin Reyðarfjörður-Fáskrúðsfjörður. Svo virðist, ef marka má för

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!