Framkvæmdirnar við Skólaveginn í Fáskrúðsfirði

Framkvæmdirnar við Skólaveginn í Fáskrúðsfirði

Á vefsvæði Fjarðabyggðar kemur fram að endurbætur á Skólavegi í Fáskrúðsfirði séu enn í fullum gangi og reiknað með að þeim ljúki seinni hluta ágústmánaðar. “Aðalástæða þess að verklokum seinkar eilítið er að dráttur varð á afhendingu lagnaefnis, ástand lagna var verra en reiknað var með auk þess sem ekki verður hægt að ljúka malbikun fyrr en í lok ágúst.”

þá segir enfremur; “að efni sem tekið er úr götunni verði nýtt í umhverfisverkefni. Því er keyrt í brekkuna sem er rétt fyrir neðan hjúkrunarheimilið Uppsali, þar sem það verður sléttað niður og síðan verða þökur lagðar yfir. Ásýnd brekkunnar verður því mun betri en áður. Framkvæmdaaðilar vilja þakka íbúum þolinmæði síðustu vikna, en áfram gæti orðið vart við vatnsleysi annað kastið vegna framkvæmdanna.”

Það er sjálfsagt að hafa þolinmæði gagnvart bæjarfélaginu og verktökum þess við þessar þörfu og síðbúnu framkvæmdir. – En er það ekki lágmarks kurteisi að vara íbúa götunnar við ítrekuðu vatnsleysi sama daginn og oftar en ekki, marga daga í röð? – Framkvæmdir eru vart svo tilviljanakenndar að ekki megi skipuleggja og láta íbúa vita á hvaða tima þeir verði vatnslausir. – Mörg tæki, svo sem hitakútar og þvottavélar eru viðkvæm fyrir skyndilegu vatnsleysi og vonandi verður bæjarfélagið fúst að bæta íbúum bilanir vegna þessa. – Mynd: Skólavegur áður en til framkvæmda kom.


Tengdar greinar

Miklir vatnavextir í Fáskrúðsfirði

Í vatnavöxtum undanfarinna daga kemur í ljós að þörf er á styrkingu við syðri bakka Kirkjubólsár gegnt hesthúsabyggð. Ég hef

Meirihlutinn í Fjarðabyggð fallinn – Er það okkur að kenna?

Þar sem við hjónin fylgjum Pírötum að málum, vorum við á báðum áttum með að kjósa í Fjarðabyggð (Píratar buðu

Pálína Vagnsdóttir um óviðunandi aðbúnað eldri borgara

Ég grét í vinnunni í dag með ókunnum manni, öldungi. Ég skammast mín fyrir hvernig þjóðfélagi við búum í, að

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!