Gjafir eru okkur gefnar

Gjafir eru okkur gefnar

706-220Nú þegar styttist til jóla má greina að rétti jólaandinn er farinn að svífa yfir vötnum hjá stjórnarliðinu. Fjárlaganefnd, með Vigdísi Hauksdóttir í broddi fylkingar útdeilir gjöfum og heillaóskum til allra átta. Svo mikil er gjafmildin að manni er hugsað til jólalagsins góða, þar sem Skrámi kallinum, þótti nóg um gjafmildi jólasveinsins.

Fjármálaráðherra stal þó jólunum pínu lítið frá frú Vigdísi, en hann ætlar af einskærri rausn, færa þjóðinni lækkun á fyrirhuguðum matarskatti úr 12 prósentustigum niður í 11 prósent.

bjarniFjárlaganefnd ætlar að hækka fjárframlög til Landspítalans um heilan milljarð umfram það sem lagt var til í fjárlagafrumvarpi. -Væntanlega hefur fjárlaga- og Pétursnefnd komist að þeirri niðurstöðu að áður óhæfir forstöðumenn spítalans, kunni eftir allt, að fara með fjármuni.

RÚV fær allt útvarpsgjaldið á komandi ári, en til þessa hefur hluti þess farið í annað, þar sem RÚV hefur keypt svo ódýrt fjölmiðlaefni að stofnunin hefur ekki þurft á öllum tekjustofninum að halda.

Landhelgisgæslan fær 200 milljónir aukalega til rekstursins. En til gamans má geta þess að nota mætti þá upphæð til kaupa á 4.348 hríðskotabyssum frá norska hernum.

Annars er umhugsunarefni af hverju fjárlaga- og Péturnefnd eru að pönkast opinberlega í starfsmönnum ríkisstofnanna lungan úr árinu vegna meintra framúrkeyrslna, en gleðja þá síðan með svipuðum hætti og húsbóndi kastar beini í vansælan hund sinn.

Til að upphefja stemningunna, er vert að sjá myndbandið góða; Skrámur skrifar jólasveininum. 🙂


Tengdar greinar

Fallegt veður og skemmtileg birta

Haustblær í firðinum fagra. Við nutum góða veðursins síðdegis í dag, mynduðum hrossin og landslagið. Glæsileg götumynd á fallegum degi

Fordómar eða umburðarlyndi

Fordómar af öllu tagi skaða og koma í veg fyrir framþróun. Flest allt sem drífur samfélagið okkar áfram, getur valdið

Skógarbjörn með hausinn fastan í tunnu – myndband

Björninn hefur greinilega komist í tunnu með einhverju góðgæti og ekki séð fyrir afleiðingarnar. Vaskir menn leggja á sig mikið

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!