Nýjasta nýtt

Harmagráturinn endalausi

Harmagráturinn endalausi

sunset-219354_640Eftir langvarandi kreppu og eignaupptökur hjá þorra landsmanna og mikinn harmagrát, er svo komið að sumir, (veit satt að segja ekki hverjir), eru farnir að rétta úr kútnum að sögn ráðamanna. – Hvað hafa þeir fyrir sér í því? – Jú, Excel snillingarnir í seðlabankanum sáu út um gluggann hjá sér, að búið var að reisa byggingakrana í nágrenninu og þá hermdu fréttir að einhver væri að flytja til landsins glænýjan krana. Snillingarnir í Seðlabankanum föttuðu fljótlega hvað gat verið á seyði. Þeir tóku sig saman í andlitinu og mötuðu fjölda byggingakrana inn í nýja Excel, þensluformúlu líkanið sitt, og þeim varð alvarlega brugðið. Það var ekki um að villast. Við erum að sigla inn í nýtt ofþenslutímabil.

Fréttamenn voru látnir vita af þessu, og þeir fóru á stúfana í leit að góðri frétt, svona í miðri gúrkutíðinni. – Og vitið menn. Þeir fundu gleiðgosalegan bílasala sem sagði þeim að fólk væri ekki bara að rápa um bílasölurnar, skítblankt, og láta sig dreyma. – Sumir væru jafnvel að hugleiða að selja gamla 2007 bílinn sinn og fjárfesta í nýjum.

Forsætisráðherra, fjármálaráðherra og seðlabankastjóri voru allir hálf grátandi yfir þessum tíðindum í viðtölum, og sáu blikur á lofti.

Nú vita allir, sem vilja vita, að ofþensla og verðbólga er fylgifiskur þess að sauðsvartur almúginn fer að eyða peningum í vitleysu, eins og bíla, flatskjái og álíka húmbúk.

Hlutskipti almúgafólks er að afla tekna fyrir okurvöxtum, brýnum nauðsynjum í matvöru, okurhúsaleigu og orkureikningnum. Allt umfram það er ávísun á þenslu og offramboðs á vöru og þjónustu, sem svo veldur hækkun á útlánavöxtum Seðlabanka, sem þar af leiðandi hækkar vexti og verðbótaþátt húsnæðislána, sem svo aftur veldur því að við getum átt á hættu að eiga ekki fyrir skuldunum og verðum gjaldþrota. – Þar með sigldum við inn í glænýtt hrun, með tilheyrandi harmagráti.


Tengdar greinar

Framkvæmdir hjá hestamönnum á Fáskrúðsfirði

Hestamenn á Fáskrúðsfirði komu saman í morgun og hófu það bráðskemmtilega verk að reisa sér veglegt hringgerði. – Allir lögðust

Ásmundur Friðriksson – Mannvinurinn mesti

Ég horfði með athygli á þátt Helga Péturssonar á Hringbraut í kvöld, þar sem Sigríður Ingibjörg Ingadóttir og Ásmundur Friðriksson

Aust.is í sólarhrings tjóni – Allt komið í lag!

Vefsvæðið okkar var niðri í sólarhring, vefsíðan kom inn af og til en hvarf svo jafnharðan af skjánum. Ekki er

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!

Skrifa athugasemd

E-mailð þitt verður ekki birt.
Nauðsynlegir reitir eru merktir með **