Heimabankinn okkar – Loðnar innheimtukröfur og gert út á dráttarvexti

Heimabankinn okkar – Loðnar innheimtukröfur og gert út á dráttarvexti

Það er svolítið með ólíkindum hvernig sum fyrirtæki senda frá sér innheimtukröfur til viðskiptavina sinna, dæmi:
Þekkt fyrirtæki í olíu- og bensinsölu sendir frá sér reikninga undir allt öðru nafni en sölustaðurinn. Sölustaðurinn heitir A en innheimtuaðilinn heitir B en hét C nokkrum mánuðum áður. – Þetta sama fyrirtæki stillir eindögum reikninga á síðasta dag hvers mánaðar. – Farir þú deginum seinna inn í heimabankann þinn til að greiða reikning, er fyrirtækið búið að hafa af þér dráttarvexti og kostnað.

Ónefnt gassölufyrirtæki sendir út reikning fyrir ársleigu á gashylki með gjalddaga þann átjánda og eindaga þann tuttugasta sama mánaðar. Leigutaki taldi sig heppinn að hafa álpast inn á heimabanka sinn þann tuttugasta og greitt kröfuna, en allt kom fyrir ekki. Hann fékk reiknaða á sig ríflegan kostnað og dráttarvexti, þar sem hann greiddi kröfuna eftir klukkan 21 á eindaga. Athugið að það voru einungis tæplega tveir sólarhringar frá gjalddaga að kostnaðarsömum eindaga kröfunnar. – Gæti hugsast að viðkomandi fyrirtækið geri beinlínis út á að hafa dráttarvexti og kostnað af viðskiptavinum sinum?

Heimabanka kröfur eru oft á tíðum lítt skiljanlegar viðskipavinum. Upplýsandi tilvísanir vantar eða eru illa skiljanlegar greiðanda kröfu. – Hrósa má ríkinu fyrir að koma bílnúmeri viðkomandi bifreiðar fyrir sem tilvísun í kröfu um greiðslu bifreiðagjalda.


Tengdar greinar

Loðin markaðssetning á vöru og þjónustu

Mörg af stærstu og virtustu fyrirtækjum landsins auglýsa fjálglega í sjónvarpi og öðrum fjölmiðlum. Þegar vefsvæðum þessara fyrirtækja er flett

Heimsmeistaramót íslenska hestsins

…..verður haldið dagana 05.-12.ágúst 2013 í Berlín höfuðborg Þýskalands. Þetta verður án efa einstakt mót þar sem íslenski hesturinn á

Gjaldskrá Vestmannaeyjabæjar til fyrirmyndar

Á fundi bæjarstjórnar Vestmannaeyja þann 15. apríl 2014 var tekin fyrir gjaldskrá bæjrfélagsins. Þar segir: “Á seinustu árum hefur allra

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!