Kjarasamningar – Bjöllur klingja!

Kjarasamningar – Bjöllur klingja!

6264922872_f4b4b05eb1Nú í aðdraganda samninga um kaup og kjör hinna vinnandi stétta, er varað við kauphækkunum umfram tvö til tvö og hálft prósentustig. Hækkanir umfram það muni ýta verðbólgu af stað, öllum til skaða. Undir þennan málfluttning taka atvinnurekendur, seðlabankastjóri og fjármálaráðherra.

Sveitarfélög og opinberir aðilar hækka gjaldskrár sínar um allt að 5 prósentustig um þessar mundir og segja það í takt við hækkun á neysluvísitölu. -Ef ég man rétt, hækkuðu sambærileg gjöld og skattar um álíka prósentutölu á sl. ári og árin þar á undan og réttlætingin var jafnan sú að vísitala neyslu hefði hækkað á milli ára.

Þegar horft er til baka frá síðustu kjarasamningum, má merkja að seljendur vöru og þjónustu, sveitarstjórnir og ríkið, hafa hækkað verðskrár sínar um tugir prósenta og bera fyrir sig hækkanir á neysluvísitölu.

Það skondna við þetta allt er að HÆKKUN á neysluvísitölu verður til hjá viðsemjendum þeirra sem nú þurfa að sækja sér leiðréttingu á launakjörum.

Þannig má segja til baka, kæru ráðamenn og atvinnurekendur, þið sem ákveðið verðlagið í landinu. Hættið að eyðileggja hvern kjarasamninginn af öðrum. Stillið verðhækkunum í hóf og sýnið ábyrgð.


Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!

Skrifa athugasemd

E-mailð þitt verður ekki birt.
Nauðsynlegir reitir eru merktir með **