Kosningadagur í Fjarðabyggð

Kosningadagur í Fjarðabyggð
Frá okkar bæjardyrum séð.

Frá okkar bæjardyrum séð.

Þá er komið að því að nýta atkvæðið og kjósa flokk til að fara með stjórn fjarðabyggðar næstu fjögur árin. – Valkosturinn er einn af þrem flokkum sem ættu í raun að vera sameinaðir í einn flokk, sbr. byggðarlögin sem þeir þjóna. Og hins, að þeir virðast sammála um flest mál.

Skuldirnar eru fyrirferðamiklar og áherslur allra flokka beinast að lækkun þeirra. – Það er gott mál.

Sparnaður og ráðdeild er ofarlega á baugi hjá öllum flokkum, þegar kemur að endurnýjun holræsa og gatna. En rugluð sóun, eins og að uppfæra hluta fjarðabyggðavefsins upp á 6 milljónir flýgur í gegnum kerfið, nánast án athugasemda. – Var uppfærslan til að auka gagnsæi og upplýsingu stjórnsýslunnar? – Nei, hún er jafn ógagnsæ og áður, kostnaðurinn varðar einungis hafnirnar í Fjarðabyggð. – Maður spyr sig óneitanlega að því hvert heildarkostnaðurinn við fjarðabyggðavefinn er kominn, -ef smá viðbót við hann hljóðar upp á 6 sjóðheitar “sparaðar” millur?

Stefnuskrá flokkanna er ekki merkileg og lítt skuldbindandi. Einn vill hafa eitt gjald fyrir alla með Alcoa rútunni, annar vill lækka okurálögur á eldri borgara um 20% og þriðji vill byggja upp hafnsækna starfsemi og gæta að jaðarbyggðum sveitarfélagsins í þeim efnum.

Annars er best að hætta þessu væli, og koma sér á kjörstað hér á Fáskrúðsfirði, -og fara síðan í kosningakaffi hjá einhverjum af flokkunum, en eins og sumir hafa uppgötvað, þá bjóða einhverjir flokkar ekki upp á kosningakaffi, nema í útvöldum byggðarlögum. 🙂


Tengdar greinar

Nýr fundur Fjarðabyggðar með hestamönnum

Ráðamenn Fjarðabyggðar hafa boðað hestamenn á fund um tilhögun beitarmála í kvöld kl. 20:00 og verður hann haldinn í Molanum,

Fyrirtækið Og synir ehf klárar að byggja Skólaveg 98-112

Við sögðum frá því fyrir tveim árum að Fjarðabyggð hefði samþykkt að selja Fylki ehf ófrágengna sökkla við Skólaveg 98

Húsasmiðjan hugsar hlýlega til viðskiptavina

Manni nánast vöknar um augun við að sjá rausnarlegt janúar tilboð Húsasmiðjunnar, þar sem boðið er uppá allt að 50

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!