Lyktarlaus skrautþorp í fallegum fjörðum

Lyktarlaus skrautþorp í fallegum fjörðum

SONY DSCStöðugt fjölgar þeim byggðarlögum og smáþorpum á landsbyggðinni sem standa uppi án atvinnu af fiskvinnslu. Þau verða útundan og afgangs stærð í hrunadansinum um kvótann. Þau eru dæmd til að verða til skrauts fyrir ferðamenn sem um þau fara. Þeir lofa fegurð þeirra og hreinleika og festa þau á ljósmynd við sólarlag. – Fiskifýlan er horfin og eftir stendur áferðarfalleg byggð sem hefur misst kjölfestu sína.

Kvótabraskið hefur alvarlegar hliðarverkanir þegar hvert frystihúsið á fætur öðru segir upp starfsfólki vegna breyttra forsenda. – Kvótaeigandinn ákveður að leggja frystihús byggðarkjarnans niður, skipin skulu landa annars staðar í hagræðingarskyni.

Þorpin við sjávarsíðuna þróuðust um aldir, byggðust upp utan um fiskveiðar og vinnslu. – Eins og hendi sé veifað, tilheyra þau horfnum atvinnuvegi, -missa stöðu sína. Frystihús standa tóm, íbúum fækkar. Íbúðir lækka í verði. Þjónusta hörfar og atvinnuleysi blasir við.

Ef eitthvað annað en skammsýni og græðgi hefur ráðið för, þegar framsal og brask með kvóta var gefið frjálst. Þá vinsamlegast sendið mér línu til upplýsingar.


Tengdar greinar

Kjarasamningar – fyrir hverja?

Nú eru samtök atvinnurekenda búin að troða formann ASÍ út af vöfflum og sultutaui og senda hann út í verkalýðsfélögin

Eru flest allar gjaldaskrár Fjarðabyggðar að hækka?

Nú, á versta tíma, þegar almennir launþegar hafa mátt sætta sig við 2.8% launahækkanir frá því í síðustu kjarasamningum, kemur

Verðtrygging – prósentur og vísitölur

Greindarvísitala okkar Íslendinga er ein sú hæsta á byggðu bóli. Við erum einstaklega gáfuð, falleg, sterk og eigum bráðefnilega stjórnmálaskörunga

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!