Nokkrar spurningar um 15 þúsund tonna sjókvíaeldi í Fáskrúðsfirði

Nokkrar spurningar um 15 þúsund tonna sjókvíaeldi í Fáskrúðsfirði

Vita menn að undan leirunum í botni Fáskrúðsfjarðar er hrygningarsvæði þorsks, -hafa áhrif umfangsmikils fiskeldis verið könnuð hvað það varðar?

Á vefsvæði Landsambands fiskeldisstöðva segir: í fyrirsögn pistils frá sept 17. 2017 “Fiskeldið mun skapa þúsundum manna afkomu.” og í framhaldinu segir: “Um fjögur þúsund íbúar munu hafa afkomu af fiskeldi og afleiddum störfum þegar það verður komið upp í þau 71 þúsund tonn sem áhættumat Hafrannsóknastofnunar gerir ráð fyrir.”

Sé gengið út frá 71 þúsund tonna viðmiði og 4 þúsund störfum, þá lætur nærri að 850 manns muni hafa afkomu af 15 þúsund tonna fiskeldi í Fáskrúðsfirði.

Hvaðan kemur vinnuaflið?

Í Fáskrúðsfirði búa 745 manns í ársbyrjun 2017. Atvinnuleysi er lítið sem ekkert og telja má hæpið að heimamenn vegi þungt við mönnun fiskeldis á staðnum.

Þá er spurning um aðstöðu starfsfólks, hvar er því ætlað að búa? Verður reist gámabyggð í firðinum eða byggðar nýjar íbúðir? Hér er lítið um laust húsnæði, engar byggingaframkvæmdir í bígerð eftir því sem næst verður komist. Hér er reyndar uppsteyptur grunnur undir 8 íbúða raðhús, sem er búinn að vera í hirðuleysi frá því árunum fyrir hrun.

Hvað með skólp frá 745 manna byggð Fáskrúðsfjarðar?

Hvergi í umræðunni hef ég séð minnst á klóak frá byggð og hreinsun þess. Skólplagnir hér sem og víða annars staðar ná nokkra metra út fyrir stórstraums fjöru. – Er slíkt fyrirkomulag ásættanlegt fyrir metnaðarfullt fiskeldi?


Tengdar greinar

Einnota drullusokkar í boði…

…hjá virtum byggingavöruverslunum hér á austurlandi. Gamli drullusokkurinn okkar var orðinn ævagamall þegar hann gaf sig og var ákveðið að

Fjarðabyggð í stríði við hestamenn

Bæjarráð kom saman þann 23. janúar sl. og ræddi framlagt bréf hestamanna og búfjáreigenda á Reyðarfirði sem fjallar um nýjar

Sinubrunar í Fjarðabyggð

Nokkuð mikið var um sinubruna í Fjarðabyggð um þessi áramót. Samkvæmt frétt á vefsvæði Austurfrétta, fór Slökkvilið Fjarðabyggðar í 15

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!