Yfirlit í heimabanka – Pörun viðskipta í kortafærslum

Yfirlit í heimabanka – Pörun viðskipta í kortafærslum

Leitt er að standa við búðarborð, rétta fram visakortið sitt og vera hafnað. Viðkomandi hafði skráð sig inn á heimabanka sinn og gengið úr skugga um að skuldin við kortafyrirtækið var samkvæmt yfirliti, helmingi minni en heimildin.

Við skoðun kom í ljós að einhver fyrirtæki virðast vera á sérsamningum hjá bönkum og kortafyrirtækjum varðandi uppgjör á greiðslum viðskiptavina til þessara sömu fyrirtækja.

Þannig getur hent að viðskiptavinur sem er með heimabanka sjái ekki óbrenglað yfirlit yfir viðskipti sín í allt að 10 daga aftur í tímann þar sem svokölluð “Pörun” söluaðila hefur dregist. Pörunin fellst í því að söluaðili sendir bankanum/kortafyrirtækinu uppgjör dagsviðskipta hverju sinni, en svo virðist sem einhver útvalin fyrirtæki geti dregið slík uppgjör úr hófi með þeim afleiðingum að dagleg færsluyfirlit korthafa brenglast og koma ekki fram á yfirlitum frá heimabanka viðkomandi. – Viðvörun treystu ekki á yfirlit í heimabankanum þínum. Skoðaðu þess í stað færslu sem segir: “Til ráðstöfunar”


Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!