Sirkusinn mættur á Austurvöll

Sirkusinn mættur á Austurvöll

Eftir langt og strangt frí er ofursirkus þeirra Kötu Jak. og Bjarna Ben. ásamt sirkusstjóranum og ofurökumanninum Ása Friðriks. mættur á Austurvöll. – Þau hafa að þessu sinni skaffað sér aukafjármagn, 153 milljónir, til að greiða megi allt að þrem aðstoðarmönnum hverrar og einnar ráðherranefnu laun, og því fagna landsmenn, ekki má ganga fram af ráðherrum okkar með vinnuþrælkun.

Deginum fyrir þingsetningu var boðið upp á forsýningu á ráðherrum, þar sem landsmenn voru gladdir með nýjum bönnum og sérstökum kolefnis skattaálögum á bifreiðir þeirra á komandi árum. Þá verður landsmönnum bannað að skrá bensín- og díselbíla frá og með árinu 2030, eða með öðrum orðum, eftir 12 ár.

Bifreiðaeigendurnir þau Jón og Gunna sem eru að koma sér til og frá vinnu, eru í miklu uppáhaldi hjá stjórnvöldum, þegar kemur að skattpíningu. – Aðrir, miklu afkastameiri mengunarvaldar, svo sem flugumferð, stóriðja og skipafloti þurfa ekki að búa við hækkaðar álögur vegna kolefnisjöfnunar. Á meðfylgjandi línuriti má sjá hver mengunarhlutföllin eru eftir um hverja hópa er að ræða.

Áfram skal ofurskatta þá sem vart eiga til hnífs og skeiðar. Bjarni Benediktsson segir að ríkissjóður muni tapa 150 milljörðum króna úr ríkiskassanum ef eldri borgurum, öryrkjum og fátæku fólki verði hlíft við skattlagningu á tekjur undir 300 þúsund. – Á þessum orðum Bjarna má sjá í hendi sér hverjir það eru sem draga vagninn í þjóðfélaginu.

Og að endingu þetta; -hverslags hagkerfisómynd og krónudrusla er það, að Seðlabankinn þurfi að verja hana falli með stórfelldum gjaldeyriskaupum ef eitt vesælt flugfélag, sem er rekið á leiguvélum og með litla sem enga eiginfjárstöðu vælir yfir afkomu sinni?


Tengdar greinar

Atvinnubátar og frístundatrillur eldri borgarar

Mörg sveitarfélög taka tillit til eldri borgara þegar þau ákveða bryggjugjöld.  Vogar veittu 25% afsláttur til eldri borgara árið 2010

Slökkvilið Fjarðabyggðar stendur fyrir húsbruna á Fáskrúðsfirði

Eldri hjónum var illa brugðið þegar þau sáu reyk og eldsloga bera við himinn, og svo virtist þeim úr fjarska

Ellert B Schram ávíttur fyrir umbótastarf af Landssambandi eldri borgara

Landssamband eldri borgara, sem eru yfirsamtök allra eldri-borgara-félaga á Íslandi. Ætlar ekki að vera í samfloti með verkalýðshreyfingunni eins og

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!