Stór Reyðarfjarðarsvæðið í fjárhagsvanda

Stór Reyðarfjarðarsvæðið í fjárhagsvanda
Yfirgefið Landsbankahús á Fáskrúðsfirði

Yfirgefið Landsbankahús á Fáskrúðsfirði

Sameining sveitarfélaga var fyrst og fremst hugsuð og boðuð sem hagræðing á stjórnsýslustigi. Upphaflega hugmyndin var að sveitarfélög kæmu sér upp einni yfirstjórn og aflegðu oddvita- og hreppstjóra stigið í minni byggðarlögum.

Í öðru lagi var stækkunin hugsuð og kynnt með þeim formerkjum að hið nýja sameinaða sveitarfélag yrði í stakk búið að taka að sér veigameiri verkefni frá ríkinu. – Um þetta var kosið fyrst og fremst.

Nú er Fjarðabyggð í kröggum og boðar sameiningu innviða stór Reyðafjarðasvæðisins í hagræðingarskyni. – Fyrsta skrefið skyldi vera að sameina bekkjadeildir milli fjarða. Selflytja átti börn frá Stöðvarfirði með starfsmannarútu Alcoa-Fjarðaáls, kvölds og morgna til og frá skóla á Fáskrúðsfirði. – Þá var í býgerð að sameina bekkjadeildir enn frekar með því að flytja börn frá Fáskrúðsfirði og Eskifirði inn á Reyðarfjörð. – Þegar þetta er skrifað hafa ráðamenn frestað þessum áformum vegna kröftugra mótmæla íbúa.

Aflagt pósthús á Fáskrúðsfirði

Aflagt pósthús á Fáskrúðsfirði

Margt gott hefur áunnist við sameingu. Smábátahafnirnar hafa verið snyrtar og endurbættar, almennings samgöngum hefur verið komið á að hluta með samstilltu átaki Alcoa-Fjarðaáls og bæjarfélagsins. Margt fleira mætti nefna sem betur hefur farið.

Hins vegar eru margir íbúar Fjarðabyggðar ósáttir. Þjónusta hefur hörfað frá jaðarbyggðum inn á Reyðarfjörð. Bankaútibú, lyfjaverslanir, póstþjónusta og læknaþjónusta er nú í lágmarki í þessum byggðarlögum. Íbúar þurfa að ferðast um langan veg með ærnum tilkostnaði, til að sækja þjónustu. – Svo virðist sem ráðamenn hafi lítil sem engin ráð gegn þessari þróun og falla í þá gryfju að þróa sig í sömu átt, -sé fyrirhuguð sameining skóladeilda höfð í huga.

Nú er svo komið í jaðar byggðarlögum að þar er ekki hægt að kaupa sér skrúfu, nagla eða pensil, svo eitthvað sé nefnt umfram nauðþurftir.


Tengdar greinar

Guð minn almáttugur…

..hrópaði konan í dag, og ég sá ekki betur en hún horfði á mig stórum augum. Ég leit í kringum

Hreyfingar í húsnæðismálum í Fjarðabyggð

Fjarðabyggð hefur samþykkt að selja Fylki ehf ófrágengna sökkla við Skólaveg 98 til 112 á Fáskrúðsfirði. Bæjarstjóra hefur verið falið

Laus hross út við Kolfreyjustað

Að gefnu tilefni er áréttað að hestamenn í hesthúsahverfinu á Fáskrúðsfirði eiga ekki umrædd hross.

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!