Þróunarfélag Austurlands

Þróunarfélag Austurlands

Umsögn á vefsvæði: “Þróunarfélag Austurlands (e. The Development Centre of East Iceland) sjá hér, var stofnað árið 1983 og starfar að framþróun í atvinnulífi og jákvæðri samfélagsþróun á Austurlandi.  Meðal helstu hlutverka Þróunarfélags Austurlands er að efla atvinnulíf og samfélag á Austurlandi, veita ráðgjöf við nýsköpun- og þróunarverkefni auk þess að veita ráðgjöf um bættan rekstur. Félagið hefur tekið þátt í fjölda verkefna á landsvísu sem og alþjóðlegum verkefnum sem ætlað er að styðja og styrkja við atvinnulífið á Austurlandi.

Hvað gerir ÞFA?
Þróunarfélag Austurlands er hluti af svokölluðu stoðkerfi Austurlands. Þetta þýðir einfaldlega að við erum hér til að styðja frumkvöðla sem eru að stíga sín fyrstu skref í stofnun fyrirtækja og til að styðja fyrirtæki og sveitarfélög í hverskonar þróunarvinnu innan þeirra. Okkar markmið eru efling samfélagsins og atvinnuuppbygging.

Sem dæmi um verkefni sem starfsfólk ÞFA hefur verið að vinna að eru stofnun: Kyndistöðvar á Hallormsstað, væntanleg Álkaplaverksmiðja á Seyðisfirði og Jarðfræðisetur á Breiðdalsvík. Auk þessara verkefna er ÞFA umsjónaraðili Vaxtarsamnings Austurlands, hefur unnið að ESB-verkefnum tengdum samfélagsþróun á Austurlandi og veitt frumkvöðlum á Austurlandi þjónustu og ráðgjöf með sín fyrstu skref í viðskiptaheiminum.

Félagið hefur verið víðtækt í atvinnuþróun og stuðningi við bæði frumkvöðla og starfandi fyrirtæki.Nú sinnir það einnig ýmsum samfélagslegum verkefnum öllu Austurlandi til góða. Slíkum verkefnum er ætlað að treysta samkeppnishæfni landshlutans gagnvart búsetu og laða að það fólk sem atvinnulífið þarf á að halda.”

Þegar vefsvæði er heimsótt, fer lítið fyrir kynningu á atvinnustarfsemi á austurlandi. – Ein slóð/linkur fannst á Strætisvagna Austurlands, -þegar ýtt var á slóðina/linkinn, kom upp kerfisvilla. – Félag sem þetta ætti að mínu mati að vera með uppsetningu vefslóða á öll fyrirtæki í fjórðungnum til kynningar.


Tengdar greinar

Gott veður fyrir hestastúss

Í dag var farið í hesthúsið til að athuga hvort allt væri í lagi eftir veðrið í gær. Þá var

Góð helgi með Pírötum

Laugardegi var að hluta varið með Pírötum á Austurlandi, en í skoðun er að koma upp Austurlands-deild. Fundur var haldinn

Raflögnin að hesthúsahverfinu

Nú, nærri mánuði eftir að rörhólkur var lagður undir akveginn í þeim tilgangi að leggja rafmagn að hesthúsahverfi var hafist

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!