Til hamingju með 1. maí – Baráttudag verkalýðsfélaga

Til hamingju með 1. maí – Baráttudag verkalýðsfélaga

Það er nánast óbærilegt að hugsa til þess að nú árið 2017 skuli lægstu kauptaxtar vinnandi fólks vart nægja fyrir brýnustu nauðsynjum. Þá er það ömurlegt að eldri borgurum sé réttindalega úthýst frá verkalýðsfélögum við lok starfsferils. Þetta fólk hefur byggt upp félögin og greitt í sjóði þeirra frá unga aldri. – Við starfslok er þeim hent í gin ríkisins, sem í engu virðir þarfir hópsins fyrir lágmarks framfærslu og skattleggur lúsarlaun hópsins upp í efsta rjáfur. – Krafa dagsins er að lágmarkslaun dugi fyrir framfærslu.

Einkavæðing í heilbrigðisgeiranum er þróun sem berjast þarf gegn með öllum ráðum. Skattpínt fátækt fólk getur vart veitt sér þann munað að kaupa læknisaðgerðir hjá einkafyrirtækjum, en slík verður staðan ef biðlistar lengjast enn frekar hjá fjársveltum ríkisspítölum. Væntanlega geta einhverjir veitt sér þann munað að fjárfesta í liðaðgerð á Visa raðgreiðslum, en aðrir neita sér um slíka aðgerð vegna fátæktar og ráðaleysis sem af henni hlýst. – Krafan dagsins hlýtur að vera sú að heilbrigðiskerfið verði frítt fyrir skattborgara þessa land.

Hugsið ykkur að lífeyrissjóðirnir okkar hafa fjárfest í verslunarkeðjum sem halda uppi háu matvöruverði, og einhverjir þeirra hafa fjárfest í húsnæðis-gróða-félögum sem hafa sprengt upp verðlag á markaðnum og rýrt þar með hlut þinn, sem aðildarfélaga. Krafa dagsins hlýtur að vera sú að yfirbygging lífeyrissjóða verði minnkuð og þeir sameinaðir. Bannað verði að braska með sjóði þeirra eins og gert er í dag.


Tengdar greinar

Vetrarríki – Yrkisefni listamanns

Íslenskt skammdegi er yrkisefni málarans sem málaði þessa mynd. Myndlistamaðurinn Frank Joseph Ponzi fæddist í New-Castle í Pennsylvaníuríki í Bandaríkjunum

Hunda hlaupabrautin okkar hefluð og snyrt

Eins og kunnugt er, fór flugbrautin okkar í “hundana”. Hún hefur það helsta hlutverk í dag að vera hlaupabraut fyrir

Glæsileg stefnuskrá Reykjavíkurborgar í málefnum eldri borgara

Eftir að hafa horft á Kastljósþátt gærkvöldsins, þar sem rætt var um hálfgildings hreppaflutninga á eldri borgurum innan vestfirskra byggðarlaga

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!