Umhverfisverðlaun Fjarðabyggðar 2017 afhent

Umhverfisverðlaun Fjarðabyggðar 2017 afhent

“Umhverfisverðlaun Fjarðabyggðar voru veitt í annað sinn á Stríðsárasafninu á Reyðarfirði í dag. Viðurkenningar voru veittar í þremur flokkum; fyrir snyrtilegustu lóð við íbúðarhús, snyrtilegasta umhverfi íbúðarhúss í dreifðri byggð og snyrtilegustu fyrirtækjalóð. Óskað var eftir tilnefningum frá íbúum í Fjarðabyggð og bárust alls 11 tilnefningar á öllum flokkum. – Tilnefningarnar fóru svo til dómnefndar sem vann úr þeim, fór og skoðaði alla þá garða og lóðir sem tilnefndar voru og gaf álit sitt. Dómnefndina skipuðu Dagbjört Óskarsdóttir, garðyrkjufræðingur og blómaskreytir Reykjavík og Helga Björk Einarsdóttir, garðyrkjufræðingur og starfsmaður Fjarðabyggðar

Viðurkenningu fyrir snyrtilegustu lóð í þéttbýli hlutu íbúarnir í Hæðargerði 25 á Reyðarfirði, þau Jóna Margeirsdóttir og Ari Bergsveinn Guðmundsson. Í umsögn dómnefndar segir: „Lóðin er afar snyrtileg og stílhrein, hellulögn og garður mynda fallega heild. Garðurinn er vel snyrtur og plöntuvalið er til fyrirmyndar með tilliti til árstíða og vaxtarlags. Garðurinn er afar fagmannlega unninn og er með fallegan og heildstæðan stíl„

Hæðargerði 23

Snyrtilegasta lóðin í dreifbýli var að þessu sinni hjá þeim Dagbjörtu Briem Gísladóttur og Sigurði Baldurssyni á Sléttu í Reyðarfirði. Í umsögn dómnefndar segir: “Umhverfi bæjar er mjög snyrtilegt og nánast hvergi rusl að sjá né annan óþarfa, ekki einu sinni utan við gripahúsin. Heyrúllum raðað afar snyrtilega upp. Lóðin hefur góða heildar ásýnd. Slétta er afar snyrtilegur bóndabær og það gefur skemmtilegan blæ að sjá hænurnar frjálsar við bæinn.„

Slétta

Viðurkenningu fyrir snyrtilegustu lóð fyrirtækis eða stofnunar kom í hlut Steinasafns Petru á Stöðvarfirði. Umsögn dómnefndar um lóð Steinasafnsins er svo hljóðandi: “Hér gefur að líta mjög metnaðarfulla rekstraraðila sem hafa náð að gera heildarásýnd svæðisins afar fagra. Einnig er hugsað vel út í hvert einasta smáatriði í garðinum, blóm, steinar sem allt annað er vel ígrundað. Garðurinn er einstaklega blómlegur og plöntuvalið er fjölbreytt. Steinasafn Petru er velhirt blómaparadís“

Steinasafn Petru, Stöðvarfirði

Handhafar umhverfisverðlauna Fjarðabyggðar 2017 ásamt bæjarstjóra, umhverfisstjóra og varafomanni ESU. (f.v) Ragnar Sigurðsson, varaformaður ESU, Sigurður Baldursson og Dagbjört Briem Gísladóttir, Sléttu, Ari B. Guðmundsson og Jóna Björg Margeirsdóttir, Hæðargerði 23, Petra Sveinsdóttir frá Steinasafni Petru, Páll Björgvin Guðmundsson bæjarstjóri og Anna Berg Samúelsdóttir umhverfisstjóri.

Fjarðabyggð óskar handhöfum umhverfisviðurkenningana innilega til hamingju.” Sjá vefsvæði Fjarðabyggðar – Myndir og texti af fjölmiðlatorgi Fjarðabyggðar


Tengdar greinar

Djúpivogur í miklum vanda

“Markmiðið með útgáfu þessa myndbands af hálfu Djúpavogshrepps er að vekja almenning í landinu og stjórnvöld til alvarlegrar umhugsunar um

Golfklúbbur Byggðarholts fær húsnæði til eignar

Bæjarráð samþykkti á fundi þann 24. mars sl., að húsnæði Fjarðabyggðar að Byggðarholti á Eskifirði verði afsalað til Golfklúbbsins. Til

Fjarðabyggð til framtíðar

Í dag barst okkur blað frá sveitarfélaginu okkar undir fyrirsögninni Fjarðabyggð til framtíðar. Samkvæmt efni bréfsins er Fjarðabyggð að bjóða

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!