Undarlegar vega- og brúarbætur í Fáskrúðsfirði

Undarlegar vega- og brúarbætur í Fáskrúðsfirði

Nú á haustmánuðum tóku vegagerðamenn sig saman í andlitinu og ákváðu að byggja brúarhandrið yfir Kirkjubólsá hér í Fáskrúðsfirði. Áin hafði verið án handriðs í áratugi, eða frá upphafi smíðar hennar. Vinnuflokkur mætti á staðinn og fljótlega tók handriðið á sig mynd, og það enga smámynd. – Einhverja hundrað metra skyldi það ná út frá brúnni, samkvæmt reglunum sögðu handriðasmiðirnir.

Nú háttar svo til á þessum stað að skammt frá brúnni var beinn vegur, Goðatún, sá vegur liggur meðfram Kirkjubólsá niður að hesthúsahverfinu okkar og tengdist aðalbraut, skammt frá brúnni. – Fljótlega varð ljóst við framvindu verksins, að smiðirnir ætluðu að girða annan væng handriðsins þvert fyrir Goðatún, og í stað þess að útbúa aflíðandi fláa á Goðatúns veginn, var ákveðið að útbúa hálfgildings hringtorg, sem kannski mætti nefna “hálftorg”. Meðfylgjandi mynd sýnir glögglega hvernig beini vegurinn okkar varð að vegi með hálftorgi í annan endann. – Þá er önnur mynd frá þessari sömu framkvæmd, sem sýnir hvernig skástrikaðri viðvörunar súlu hefur verið komið fyrir út í miðri beygju. – Spurning af hverju súlan var ekki boltuð föst við nærtækan staur í handriðinu sjálfu?


Tengdar greinar

Síðasti mánuður vetrar

Einmánuður, sem hefst í dag, er síðasti mánuður vetrar og tekur við af góu. Hann hefst á þriðjudegi á bilinu

Dýrt að hringja í 1818

Þurfti að hringja þrisvar sinnum í 1818 úr farsíma. Það mun ekki gerast aftur, nema í neyð. – Verð fyrir

Gott veður á Fáskrúðsfirði

Sólin baðaði Fjörðinn fagra í dag.

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!