Undirskriftalisti ENGAN SKORT Á EFRI ÁRUM

Undirskriftalisti ENGAN SKORT Á EFRI ÁRUM

Lífeyrir aldraðra og öryrkja dugar ekki til framfærslu. Ætlunin er að knýja fram það háan lífeyri að aldraðir geti átt áhyggjulaust ævikvöld og öryrkjar þurfi ekki að kvíða morgundeginum. – Undirskriftalistinn verður opinn frá 27. ágúst – 8. október 2018

Skráning á: Ýttu með músarbendli hér – Listar Ísland

Ath. Þátttakendur mega vera á aldrinum 18-110 ára

Á vefsvæðinu Lifðu núna segir Erla Magna Alexandersdóttir, ábyrgðarmaður undirskriftasöfnunarinnar að þrýsta eigi á um að ellilífeyrir verði hækkaður og allar þær bætur sem menn hafa sér til framfærslu. Erla Magna segist sjálf vera ellilífeyrisþegi og hafa bloggað um lífeyrismálin í mörg ár. Það hafi engin áhrif haft. „Menn tala ekki einni sinni um gamla fólkið á Alþingi. Það á greinilega ekki að gera neitt í málefnum aldraðra. Það hækkar allt, matur, bensín og húsaleiga, en lífeyrir hækkar ekkert. Ég þekki marga sem berjast í bökkum og þó ég eigi húsnæði sjálf skil ég hvernig það er að þurfa að borga háa húsaleigu“, segir hún. Hún gefur ekki mikið fyrir hópinn sem ríkisstjórnin setti á laggirnar til að bæta kjör eldri borgara. „Ríkisstjórnin er sjálfsagt búin að gleyma hvað hún er með marga hópa og stofnanir í að skoða þetta. Það heyrist alla vega ekkert frá þessum hópi, þannig að almenningur veit ekkert hvað þar er að gerast“.

Undirskriftasöfnunin mun standa í 48 daga, eða til 8.október næst komandi. Með því að smella hér má komast inn á Island.is þar sem undirskriftalistinn er. Það er hins vegar ekki hægt að skrá sig á hann, nema nota til þess rafræn skilríki í síma eða Íslykil. Erla Magna segir að þeir sem hafi ekki slík skilríki tiltæk, geti safnað undirskriftum á lista og sent hann á netfangið skra@skra.is – Þar sé tekið við nöfnunum og þau skráð inná listann.

Erla Magna segir að undirskriftirnar verði afhentar ríkisstjórninni, þegar söfnuninni lýkur. Hún hvetur svo að sjálfsögðu alla til að skrifa undir.

Þá skrifar Björgvin Guðmundsson á Miðjan.is „Með undirskriftasöfnun þeirri sem hefst í dag (gær), til stuðnings kröfu um hærri lífeyri frá TR sem dugi til framfærslu og sómasamlegs lífs eldri borgara og öryrkja verða þáttaskil í baráttu eldri borgara.

Aldraðir hafa kallað eftir aðgerðum. Þetta er fyrsti liðurinn í aðgerðum eldri borgara gegn stjórnvöldum. Nú ríður á,að samstaða sé nóg og þátttaka það mikil,að að það dugi til þess að stjórnvöld samþykki óskina um hækkun lífeyris. Það gengur ekki lengur, að eldri borgarar og öryrkjar geti ekki framfleytt sér af þeirri hungurlús sem ríkisvaldið skammtar lífeyrisfólki frá almannatryggingum. Tímabært er að lífeyrir hækki það myndarlega að aldraðir og öryrkjar geti lifað mannsæmandi lífi.“

Orðsending til allra:

Ef þú átt ömmu eða afa á ellilífeyri – skrifaðu nafnið þitt undir fyrir þau.
Ef þú átt ættingja eða vini á örorkulífeyri – skrifaðu nafnið þitt undir fyrir þau.
Ef þig langar til að fatlað fólk geti lifað mannsæmandi lífi – skrifaðu undir.

Stígum öll þetta stóra skref til útrýmingar fátækt á Íslandi og Ýttu hér – Skrifum undir, þjóðinni til heilla.


Tengdar greinar

Ríflega 4.700 íbúar í Fjarðabyggð

Þann 1. febrúar sl. var íbúafjöldi í einstökum bæjarhlutum Fjarðabyggðar sem hér segir: Norðfjörður 1.542 Reyðarfjörður 1.146 Eskifjörður 1.082 Fáskrúðsfjörður

Óbreytt veiðigjald – Áskorun

21 þúsund manns höfðu skráð sig núna rétt fyrir 18:00 í dag á lista þar sem Alþingi er hvatt til

Einstakt veðurfar

Frost er að mestu farið úr jörðu eftir þau hlýindi sem hafa verið að undanförnu. Undir húsveggjum er Bellis farinn

2 ummæli

Skrifa athugasemd
  1. Bjarni Rúnar Guðmundsson
    Bjarni Rúnar Guðmundsson _ $ S,$ s

    Finn ekki þennan undirskriftarlista

    Svara þessari athugasemd

Skrifa athugasemd

<