Þriðji orkupakkinn – Trójuhestur hækkaðs orkuverðs

Þriðji orkupakkinn – Trójuhestur hækkaðs orkuverðs

By BFS Man from Webster, TX, USA – Trojan Horse, CC BY 2.0

Það má vel vera rétt sem ákafir skriffinnar og lögspekingar ríkisvaldsins halda fram að þriðji orkupakkinn skyldi ekki íslendinga til að taka við sæstreng eða standa að lagningu slíks strengs. – En þriðji orkupakkinn opnar hins vegar á tækifæri stjórnvalda að leggja slíkan streng, eða bjóða erlendum sem og innlendum aðilum að standa að slíkri lagningu. Við tengingu er fyrirséð að rafmagnsreikningurinn þinn hækki umtalsvert, þar sem ekki má mismuna neytendum hér og erlendis. Á sömu forsendum fást engar undanþágur fyrir gróðurhúsabændur og aðra þá sem í dag flokkast sem innlendir stórnotendur.

Áður en til innleiðingar fyrri orkupakka, eitt og tvö kom, var hverjum notanda gert að greiða einn orkureikning og fyrirheit voru um að senn værum við íslendingar búnir að greiða niður virkjanir og lagningu heimtauga, og mættum við í framhaldinu búast við umtalsverðri lækkun orkureikninga. – En svo varð ekki. Orkufyrirtækin voru hlutafélags- og græðgisvædd og tóku til við að braska með sameiginlegar eigur okkar.

Eftir innleiðingu fyrri orkupakka (eitt til tvö), var þjóðin upplýst um að reglurgerð tengd nefndum orkupökkum, kvæðu á um að orkureikningum landsmanna yrði að skipta upp í tvo reikninga. Annars vegar reikning fyrir orkunotkun og hins vegar fyrir flutning hennar heim til notanda. Þar með varð eitt fyrirtæki að tveim, og tveir rafmagnsreikningar búnir til úr einum um sérhver mánaðarmót.

Landsmönnum var sagt að hið nýstofnaða raf-flutningsfyrirtæki væri nánast formsatriði, það stofnað til að uppfylla kröfu evrópusambandsins um aðskilnað orkusölunnar sem slíkrar og flutnings hennar. – Reikningar þessa nýja fyrirtækis voru hógværir í fyrstu, -en svo hækkuðu þeir, og í dag finnum við virkilega fyrir þeim í heimilisbókhaldinu.


Tengdar greinar

Verðtrygging – prósentur og vísitölur

Greindarvísitala okkar Íslendinga er ein sú hæsta á byggðu bóli. Við erum einstaklega gáfuð, falleg, sterk og eigum bráðefnilega stjórnmálaskörunga

Malbikunarframkvæmdir við Skólaveg Fáskrúðsfirði

Nú í morgunsárið drifu að fullfermdir vörubílar með malbikunarefni og í kjölfarið birtust valtarar, malbikunarvélar og frískur mannskapur. Fljótlega var

Skjólgerði og næg beit

Þeir voru þakklátir hestarnir okkar þegar við færðum til í girðingunni svo þeir fengju meiri beit. Þá smíðuðum við létt

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!

Skrifa athugasemd

E-mailð þitt verður ekki birt.
Nauðsynlegir reitir eru merktir með **

This site uses Akismet to reduce spam. Learn how your comment data is processed.