Bankarnir okkar….

…þöndust út fyrir hrun og ráku útibú í nánast hverju krummaskuði landsins. – Kortavæðing viðskipta jókst verulega um svipað leyti. Einstaklingum var boðið upp á að skrifa undir yfirlýsingar þess efnis að þeir hyggðust ekki stunda peningaþvætti eða aðra ólöglega glæpastarfsemi, gegn því að fá bankakort, kredit eða debit.

það skondna við þetta var, að á sama tíma voru starfsmenn þessara sömu banka, að narra fólk, meðvitað eða ómeðvitað, að kaupa verðlaus uppdiktuð markaðsbréf í bönkunum og enn aðrir starfsmenn voru í því hlutverki að ráða valinkunnum viðskiptamönnum (sómamönnum), heilt með því að koma sparifé sínu fyrir á reikningum í skattaskjólum og á aflandseyjum.

---