Biskup frá Skálholti á leið til Fáskrúðsfjarðar
Þau tíðindi voru að berast okkur hér á Aust.is í dag, að Biskup sé væntanlegur til Fáskrúðsfjarðar öðru hvoru megin við páska og muni hann dvelja hér í Firðinum fagra um ókomna framtíð.
Jakob Jóhann Einarsson, kenndur við bæinn Dúk, mun sjá um að selflytja háæruverðugheitin til okkar, en Biskup er nú staddur í Gnúpverjahreppi hjá Oddi bónda á Stöðulfelli, og sagnir herma að þar sé hann í góðu yfirlæti.
Þau góðu ráð gefum við Kobba frá Dúki, að ef biskup verður óþægur við að fara upp í bílinn hjá honum, þá skuli hann dangla aðeins í afturhluta Biskupsins, -því eins og máltækið segir, “Þá verður enginn óbarinn Biskup.”
Á meðfylgjandi myndbandi má sjá Biskup frá Skálholti. Til að fyrirbyggja misskilning, þá er Biskupinn, sá sem knapinn situr.
Tengdar greinar
Samið í verkfalli, -og hvað svo?
Blekið í undirskriftum viðsemjenda verður vart þornað á pappírum þegar skriða verðhækkanna fer af stað með þeim afleiðingum að nokkrum
Raflagnir tefjast að hesthúsahverfi
Svo virðist sem lagning og tengingar á nýrri raflögn að og í hesthúsahverfi okkar tefjist um sinn. Stærri og viðarmeiri
Krónan hækkar verð á ávöxtum um 10 prósent
Það fyrsta sem við gerum þegar við heimsækjum Krónuna á Reyðarfirði er að velja okkur ávexti úr ávaxtaborði. Í síðustu
