Bjarni Benediktsson boðar betri tíð með blóm í haga

Bjarni Benediktsson boðar betri tíð með blóm í haga

Bjarni Benediktsson, fjármálaráðherra sá fyrir sér bjarta framtíð í ræðu á flokkráðsfundi Sjálfstæðisflokksins í gærdag. Þar talaði hann um þær skattalækkanir sem ríkisstjórnin hefði hrint í framkvæmd. Lækkun á tekjuskatti, tryggingagjaldi, veiðigjaldi og því að láta auðlegðskattinn renna sitt skeið. Þar með væru samanlagðar skattlækkanir 25 milljarðar króna.

„Og við erum rétt að byrja,“ sagði Bjarni. „Skattar munu lækka frekar, eins og maðurinn sagði: You ain’t seen nothing yet!“

Þá sagði Bjarni unnið að endurskoðun á virðisaukaskattskerfinu og afnámi vörugjalda. Hann sagðist sjá fyrir sér að vörugjöld yrðu afnumin af öllu nema í stóru vörugjaldaflokkunum — eldsneyti, bifreðar, áfengi og tóbak. Að öðru leyti væri engin ástæða til að vera með vörugjöld, og full ástæða til að ganga í það verk að afnema þau á þessu kjörtímabili.

„Tækifæri er til staðar,“ sagði Bjarni. „Það er innan seilingar að fella niður vörugjöld á aðra flokka.“ – Rúv greindi frá.

Það má vera ljóst að Bjarni Benediktsson var ekki að ávarpa aldraða og öryrkja á fundinum. Smánarlaun þeirra, sem engan veginn nægja fyrir framfærslu eru skattlögð út úr korti. Sjá meðfylgjandi útreikninga lífeyrisbóta hér fyrir neðan.

Reiknivel_lifeyris_tryggingarstofnun


Tengdar greinar

Sól í Fáskrúðsfirði

Í dag njótum við sólar í Fáskrúðsfirði. Hún er að láta sjá sig eftir að hafa verið neðan fjallgarða i

Byko hætt og farið, -og Húsasmiðjan á leiðinni frá Fjarðabyggð

Á síðasta fundi Bæjarstjórnar var bókað: “Bæjarstjórn Fjarðabyggðar mótmælir harðlega þeirri ákvörðun Húsasmiðjunnar að loka verslun sinni á Reyðarfirði. Það

Náttúrupassinn góði

Í dag verður mælt fyrir svokölluðum náttúrupassa á Alþingi íslendinga. Flutningsmaður er Ragnheiður Elín Árnadóttir, ferðamálaráðherra. Passi þessi gerir ráð

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!

Skrifa athugasemd

This site uses Akismet to reduce spam. Learn how your comment data is processed.