Efling og Öryrkjabandalag Íslands berjast saman fyrir bættum kjörum

by Arndís / Gunnar | 22/10/2018 08:01

[1]Á sameiginlegum fundi Öryrkjabandalags Íslands og Eflingar stéttarfélags hefur verið ákveðið að félögin berjist saman fyrir bættum kjörum. Á fundi félaganna í Gerðubergi sl. laugardag kom fram að skattbyrði örorkulífeyrisþega og láglaunafólks á vinnumarkaði hefur verið að aukast umfram aðra tekjuhópa á undanförnum árum. Í frétt RUV um fundinn segir; “Óskertur lífeyrir frá Tryggingastofnun er 300 þúsund krónur sem er jafn mikið og lágmarkslaun á vinnumarkaði.” Þetta er upphæð sem dugir ekki fyrir venjulegum framfærslukostnaði á Íslandi.”

[2]Haft var eftir Þuríði Hörpu Sigurðardóttur, formanni Öryrkjabandalags Íslands að verkalýðshreyfingin hafi ekki tekið örorkulífeyrisþega með í mörg ár, en það sé það sem er að gerast í dag. Hún segir jafnframt “að stjórnvöld verði að taka sig saman í andlitinu og útrýma fátækt.”

Sólveig Anna Jónsdóttir, formaður Eflingar-Stéttarfélag vonast til að hóparnir nái að samstilla kröfur sínar og málflutning. „En svo er auðvitað stóra löngunin og stóri viljinn stendur til þess að það verði hlustað á okkur af þeim sem hér fara með völd.“

Endnotes:
  1. [Image]: https://aust.is/wp-content/uploads/2018/10/Sólveig-Anna.jpg
  2. [Image]: https://aust.is/wp-content/uploads/2018/08/bls-3-formali-formanns-jpg.jpg

Source URL: https://aust.is/efling-og-oryrkjabandalag-islands-bjerjast-saman-fyrir-baettum-kjorum/