Er gamlingjaplága á Landsspítalanum?

Er gamlingjaplága á Landsspítalanum?

14081276688_e52785f073_zMorgunblaðið greinir frá því í morgun að “biðlistar í aðgerðir á Landspítalanum lengjast nú ár frá ári, aðallega vegna þess að öldruðum einstaklingum sem þarfnast þjónustu fjölgar hratt. Í byrjun september biðu rúmlega fimm þúsund einstaklingar eftir því að komast í aðgerð á spítalanum.” Samkvæmt fréttinni bíða flestir eftir aðgerð á augum, eða um 1500 manns og næst flestir bíða eftir liðaskiptum á hnjám og mjöðmum. Dæmi eru um að sjúklingar þurfi að bíða í allt að 500 daga eftir að komast í aðgerð. – Ekki fylgdi fréttinni hvað veldur þessari óbærilegu fjölgun á biðlistum, annað en það að öldruðum er að fjölga, og að því að virðist, öllum að óvörum.

Hitt er ekki nefnt að spítalinn er eilíflega fjársveltur. Hæfir læknar, læknanemar og hjúkrunarfræðingar hafa flúið land. Tækjakostur er óviðunandi, hann er úreltur. Vinnuaðstaðan er bágborin og er, þegar þetta er skrifað, að færast yfir í gámaeiningar að hluta.

Hér er forgangsröðunin ekki í lagi. Eldri borgarar hljóta að gera þá kröfu að sköttunum okkar sé varið í heilbrigðis, og samfélagsþjónustu, eins og þeim er ætlað.


Tengdar greinar

Hundur á reynslugeldingu

“Hundur varð uppvís að því að bíta mann í fjórða skiptið á 3 árum, þar af í nóv .2012, apríl

Húsasmiðjan hugsar hlýlega til viðskiptavina

Manni nánast vöknar um augun við að sjá rausnarlegt janúar tilboð Húsasmiðjunnar, þar sem boðið er uppá allt að 50

Tal – farsími til ama

Farsíminn minn hringdi hér um daginn, erlent númer. Þegar ég svaraði, var enginn á línunni. Eftir þetta hef ég fengið

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!

Skrifa athugasemd

This site uses Akismet to reduce spam. Learn how your comment data is processed.