Eru þvottavélar einnota? – Electrolux þvottavél í viðgerðarferli

Eru þvottavélar einnota? – Electrolux þvottavél í viðgerðarferli

thvottvavelEftir 5 ára þjónustu bilaði Electrolux þvottavélin okkar, vélin gerðist hávær, sérstaklega þegar þeytivindan fór í gang. Eftir smá pælingu var ákveðið að skoða hvað væri til ráða áður en hún yrði með öllu ónothæf.

Haft var samband við einn umboðsaðila og síðan annan. Sá fyrri sagði tromlulegur farnar í vélinni. Hann taldi vélina vera af þeirri gerð sem væri með “heilum belg” og ekki hægt að gera víð slíka vél. -En, sagði jafnfram, að ef vélin væri þess eðlis að hana mætti lagfæra, þ.e. með “sundurskrúfanlegum belg”. Þá væri viðgerðarkostnaður ekki undir 50 þúsund krónum að viðbættum flutningskostnaði. – Með þessar upplýsingar í höndunum, mátti okkur vera dagljóst að ekki borgaði sig að gera við vélina, þar sem við gætum fengið nýja fyrir 55-60 þúsund krónur.

Þvottavélin okkar lítur út sem ný og erfitt var að sætta sig við að hún færi á ruslahaug án þess að kanna aðra valkosti. Kannski gætum við gert við hana sjálf. – Þegar haft var samband við seinni umboðsaðilann og beðið um legusett fyrir þessa gerð þvóttavélar, kom í ljos að hún var ekki einnota týpa, sbr. það sem fyrri umboðsmaðurinn nefndi. Hann sagði legusettið kosta innan við 7 þúsund krónur. Settið var keypt og daginn eftir var hafist handa við að skipta um lagera.

Það að gera við þessa þvottavél var ekki flókið eftir að hafa horft á meðfylgjandi myndband þar sem viðgerðaraðili tók í sundur sambærilega þvottavél. – Eina sem þurfti var gott rými, rétt verkfæri og skoða myndbandið aftur ef eitthað þótti vafamál í samsetningunni. – Sparnaður okkar varð umtalsverður og við sluppum við að keyra annars ágætu heimilistæki á sorphaug.

-Eftir á að hyggja er full ástæða til að spyrja sölumenn heimilistækja hvort tæki þeirra séu þeirrar gerðar, að þau megi lagfæra ef þau bila.

Og að lokum, til að tryggja góða endingu þvottavélarinar, þá er ekki sama hvað fer í hana til þvottar. Sjá myndband hér fyrir neðan. 🙂


Tengdar greinar

Er alþingissveppurinn eða bróðir hans fundinn?

Það er einhvern veginn svona sem gerist þegar vitsmunalíf alþingmanna þornar upp við langar slímsetur á þingi. – Þeir gleyma

Á í alvöru að leyfa fiskeldi í Fáskrúðsfirði?

Síðast í gær uppgötvuðust tvö stór göt á sjóeldiskví hjá laxeldisfyrirtækinu Arnarlaxi í Tálknafirði. Ekki lá fyrir hversu margir fiskar

Músagildrukúrinn slær í gegn

Við höfum verið að skoða matarkúra að undanförnu. Fátt nýtt hefur komið fram síðan Adkins kúrinn var uppá sitt besta.

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!

Skrifa athugasemd

This site uses Akismet to reduce spam. Learn how your comment data is processed.