Excel maðurinn

Excel maðurinn

Excel maðurinn notar tölfræði á allar spurningar sem vakna. Hann matar excel forritið sitt á því sem best hljómar í hans huga og fær út súlurit sem sýnir óyggjandi að hann fari með rétt mál.

Excel maðurinn notar tölur úr fortíðinni til að byggja upp líkan fyrir framtíðina. Excel maðurinn er nútíma spámaður. Í stað þess að leggja tarot spil, skoða gang himintungla eða innihald kindagarna, notar excel maðurinn tölustafi.

Þessi nútíma spámaður getur verið sannfærandi í málflutningi, hann slær um sig með niðurstöðum úr excel skjölum og notar frasa eins og; “tölur hafa sýnt”, “samanburður er óhagstæður”, “þróun hefur sýnt” og “borðleggjandi niðurstöður”.

Excel maðurinn, þessi nútíma spámaður hefur komist til ótrúlegra valda og áhrifa í samfélagi okkar. Hann er í bönkunum, fyrirtækjunum og flestum stofnunum þjóðfélagsins. Hann er ráðgjafi, hann er framkvæmdastjóri.

Excel maðurinn er þröngsýnn kuklari, hann er ónothæfur við að byggja upp framtíðina þar sem vitundarsvið hans er upptekið við fornar handvaldar staðreyndir.

Excel maðurinn og fræði hans eru ónothæf þegar fást á við einstök hæfnissvið eins og innsæi, skapandi hugsun og hópefli. – Tilfinningalíf excel mannsins er grunnt og kalt. Hann er ekki maðurinn sem við þurfum til að byggja upp nýtt og betra þjóðfélag.

PS. Hér fyrir neðan væri freistandi að setja upp súlurit sem sýndi svart á hvítu hvernig excel menn hafa komist til áhrifa í vestrænum samfélögum um leið og hliðarsúlur sýndu að öðrum spámönnum hafi fækkað. – Það verður hins vegar að bíða um sinn.


Tengdar greinar

Fjarðabyggð – Sex milljónir í vefsíðuviðbót

Á fundi Hafnarstjórnar frá 11. febrúar sl. varð umfjöllun um endurnýjun á vef Fjarðabyggðarhafna og vefsmíði ferðaþjónustuvefs. Fyrir fundinum lá

Bæjarráð Fjarðabyggðar kallar eftir leyfum til laxeldis

“Fiskeldi ályktun bæjarráðs – Bæjarráð Fjarðabyggðar vill ítreka fyrri bókun sína um útgáfu leyfa í tengslum við laxeldi. Enda tafir

Bæjaryfirvöld Fjarðabyggðar fara offari í gjaldtökum

Mörgum er lítið skemmt í Fjarðabyggð þessa dagana. Ástæðan er bréf frá bæjaryfirvöldum þess efnis að eigendur geri grein fyrir

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!

Skrifa athugasemd

This site uses Akismet to reduce spam. Learn how your comment data is processed.