Fiðurfé í Fjarðabyggð

Fiðurfé í Fjarðabyggð

4872006395_9ac14985bf_zLoksins hefur bæjarstjóri Fjarðabyggðar Páll Björgvin Guðmundsson, þann 6. janúar síðast liðinn gefið út og samþykkt regluverk um fiðurfénað í Fjarðabyggð. Skoða samþykkt Samþykktin er ítarlegt plagg uppá 4 síður og inniheldur stórbrotna lýsingu á því hvernig halda skal fiðurfé án vansa fyrir bæjarfélagið og viðkomandi fiðurfjárhirðir. – Margt hefði farið betur hér í “hruninu” svokallaða, ef jafn ítarlegar siðareglur hefðu verið til staðar fyrir annars konar fjárhirða og Tortólinga. – “Samþykktin er sett til að tryggja öryggi, hollustuhætti og góða umgengni og fullnægjandi mengunarvarnir vegna fiðurfés í Fjarðabyggð.” – Fiðurfé samkvæmt samþyktinni eru allir fuglar af hænsna og andaætt. Jafnframt nær samþykktin yfir dúfnahald.

Hér á eftir verður stiklað á stóru varðandi listina að halda fiðurfé í Fjarðabyggð, en fyrir ítarlegri upplýsingar er bent á slóðina hér.

Bæjarfélagið bannar að fiðurfjárhirðir haldi hana, (karlfugla fyrir hænurnar) og fugla af gæsategundum. Bannað er að halda fleiri fugla en alls 10 á hverri lóð. Hvað varðar dúfnahald má einungis halda 6 dúfur á hverri lóð. – Ekki kemur fram í samþyktinni hvort halda megi 6 dúfur og þá 4 hænur eða andfugla til að fylla upp í kvótatölu lóðarrýmis.

Til að koma í veg fyrir ónæði vegna hávaða frá fuglunum, ber að hafa myrkur hjá þeim frá kl. 21:00 til kl. 07:00 alla daga. – Lausaganga fiðurfés er með öllu óheimil og ber eigandi fulla vörsluskyldu. Viðkomandi fiðurhænsnahirðir skal sækja um öll tilskilin leyfi til bæjarfélagsins að viðlagðri ströffun verði hann uppvís að því að halda fiðrað óleyfisfé án heimildar þar um. – Ekki verður farið nánar út í þessa þörfu og löngu tímabæru samþykkt að sinni, en bendum eins og áður á samþykktina í heild sinni: Sjá hér: samþykkt um fiðurfé í Fjarðabyggð


Tengdar greinar

Myndin góða – Mannauðsvæðing í hnotskurn

Vel á minnst, þegar talað er um slaka framleiðni í þjóðfélaginu, verður mér hugsað til myndarinnar góðu. Myndin þarfnast ekki

Ríflega 4.700 íbúar í Fjarðabyggð

Þann 1. febrúar sl. var íbúafjöldi í einstökum bæjarhlutum Fjarðabyggðar sem hér segir: Norðfjörður 1.542 Reyðarfjörður 1.146 Eskifjörður 1.082 Fáskrúðsfjörður

Glampandi sól og gott veður

Sumar og haust frábært. Hestamenn á Fáskrúðsfirði notuðu góða veðrið og lagfærðu hesthúsin sín, röbbuðu saman og fóru á hestbak.

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!

Skrifa athugasemd

This site uses Akismet to reduce spam. Learn how your comment data is processed.