Fjarðabyggð hækkar álögur fyrir árið 2018
Það er með ólíkindum hversu oft og mikið sveitarfélögin þurfa að hækka álögur á þegna sína. Nú hyggst Fjarðabyggð hækka flest öll gjöld fyrir árið 2018, auk þess að nýta sér að fullu heimild til álagningar svokallaðs hámarksútsvars. Gjaldskrá vatnsveitu; notkunargjald, fastagjald og stofngjöld gjaldskrár hækka um 2,7%. – Holræsagjald hækkar úr 0,32% af húsmati í 0,343%. Sorphreinsunar- og sorpeyðingargjald hækkar um 2,7%. Gjaldskrá hitaveitu hækkar um 2.7%. Þá munu gjaldskrár grunnskóla, skóladagheimila og tónlistarskóla hækka um sömu prósentu tölu eða 2.7%. Gjaldskrár byggingaleyfa og gatnagerðargjalda hækkar um 3% frá 1. janúar 2018 – Þá er áætlað að bryggjugjöld við smábátahafnirnar hækki um tæp 3% á komandi ári.
Kækur bæjarfélaga að hækka álögur á íbúa á hverju ári, og nota sem afsökun að byggingarvísitala hafi hækkað, er auðvitað út í hött. Hækkun hennar vigtar á stór Reykjavíkur svæðinu, Þar sem húsnæðisverð og leigukjör hækka upp úr öllu, meðan hér fyrir austan er allt með kyrrum kjörum, ef svo má segja.
Tengdar greinar
Hverfaráð í stað Austurbrúar
Einhvern veginn hef ég ekki trú á fyrirbrigðinu Austurbrú. Held að þetta sé svona fínni-manna-klúbbur sem hugsar stórt, heldur hátimbraða
Eru boltaíþróttir merkilegri en aðrar íþróttir?
Á fundi bæjarráðs þann 12. janúar sl. er erindi Hestamannfélagsins Blæs þess efnis að bæjarfélagið hlutist til um snjómokstur við
