Fjarðabyggð tekur beitaraðstöðu af hestamanni

Fjarðabyggð tekur beitaraðstöðu af hestamanni
Hestar á beit í Fjarðabyggð

Hestamaður og hesthúseigandi á Reyðarfirði, sem árum saman hefur haft sömu beitaraðstöðuna ofan við gömlu fjárhúsin í Kollaleiru í Reyðarfirði fær ekki að beita hrossum sínum á því svæði lengur. – Rök bæjarfélagsins eru að Fjarðabyggð hafi gert samning við Landgræðsluna um endurheimt votlendis á landinu, og segir önnur not af því ekki fyrirhuguð að sinni.

Við skoðun á hefðbundnum samningi Landgræðslunnar um endurheimt votlendis segir: “Landeigandi hefur á samningstímanum öll umráð hins samningsbundna svæðis og er honum heimil nýting þess s.s. beit, útivist, veiði, jarðhitavinnsla o.fl., enda hafi sú nýting ekki umtalsverð áhrif á árangur endurheimtarinnar.” – Tilvitnun lokið. Sjá hefðbundinn samning hér: https://land.is/wp-content/uploads/2020/05/Samningur-um-endurheimt-votlendis-Landgr%C3%A6%C3%B0slan.pdf

Eins og glögglega kemur fram í samningi, virðast engin skilyrði sett fram að hálfu Landgræðslunnar um að ekki megi nýta beitarlandið í landi Kollaleiru eins og áður.. – Því eru rök bæjarfélagsins um höfnun með tilvísun í samning við Landgæðsluna út í hött, -og með öllu óskiljanleg.

Spurning er hvort bæjarfélagið sé farið aftur af stað með ófrið gegn hestamönnum? – Fyrir nokkrum árum var í bígerð að hirða öll hefðbundin beitarafnot af hestamönnum og skikka þá til að greiða háar upphæðir fyrir afnotin. Því var harðlega mótmælt af hestamönnum í allri Fjarðabyggð, -og svo virtist sem friður mundi ríkja um einhvern tíma, en nú lítur út fyrir að bæjarfélagið ætli að láta sverfa til stáls að nýju. – Myndir tengjast ekki efni þessu nema óbeint.


Tengdar greinar

Er bæjarstjórn Fjarðabyggðar komin með vélræna róbóta við afgreiðslu mála?

Það vekur furðu hversu vélrænt og staðlað afgreiðslukerfi bæjarstjórnar er orðið. Hver málefnaskráin af annarri er afgreidd með stöðluðum snubbóttum

Guð minn almáttugur…

..hrópaði konan í dag, og ég sá ekki betur en hún horfði á mig stórum augum. Ég leit í kringum

Kæra stjórnvöld vegna mannréttindabrota á öldruðum og öryrkjum

Undirskriftalisti gengur nú á internetinu þar sem segir að “Mannréttindabrot eru framin á öldruðum og öryrkjum á Íslandi 2016 Íslensk

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!

Skrifa athugasemd

This site uses Akismet to reduce spam. Learn how your comment data is processed.