Fjármálaráðherra á villgötum

Fjármálaráðherra á villgötum

Benedikt Jóhannesson, fjármálaráðherra

Fjármálaráðherra Benedikt Jóhannesson mun mæla fyrir frumvarpi til fjárlaga í dag 14. september. Þar mun hann upplýsa okkur um fyrirhugaða hækkun eldsneytisverðs. “Samkvæmt fjárlagafrumvarpinu hækkar olíugjaldið um 11,40 kr. á lítrann og kolefnisgjaldið um 98%. Það þýðir að dísilolíulítrinn hækkar um 22 krónur með virðisaukaskatti. Bensínlítrinn hækkar um 9 krónur samtals.” Segir Runólfur Ólafsson framkvæmdastjóri Félags íslenskra bifreiðaeigenda, FÍB í viðtali við RÚV í gær 13. september. Þá segir Runólfur í sama viðtali að; „miðað við dæmigerða notkun á heimilisbíl þýðir þessi hækkun 30-60 þúsund króna viðbótarkostnað við eldsneytiskaup á ári“. Hann bendir á að auk beinnar hækkunar muni áhrifa gæta í vísitölunni, því eldsneyti vegi þar þungt.” – Þá nefnir hann að þessar hugmyndir mismuni fólki á landsbyggðinni, þar sem meðalakstur sé meiri út á landi en á höfuðborgarsvæðinu, þar sem lengra sé að sækja flest alla þjónustu.

Og þetta er ekki það eina, þar við bætist að öll aðföng fólks og fyrirtækja á landsbyggðinni verða dýrari. Flutningafyrirtækin munu hækka gjaldskrár sínar sama dag og fyrirhugaðar eldsneytishækkanir taka gildi. Pakkaflutningar eru svimandi hár kostnaðarliður í dag. Dæmi eru um að fyrirtækin krefji viðskiptavini sína um 3-5 þúsund krónur fyrir flutning á smápakka frá Reykjavík til Ausfjarða. Hækkað smásöluverð vegna aukins flutningskostnaðar kallar á hækkuð laun almennings í komandi kjarasamningum. Magnað að fjármálaráðherra skuli særa fram verðbólgudrauginn fræga, með svo afgerandi hætti sem hér er boðað.


Tengdar greinar

Fríar lóðir

Við að fylgjast með fréttum að undanförnu, hefur okkur orðið ljóst að hægt er að fá fríar lóðir hægri vinstri.

Gleðitíðindi fyrir skíðafólk í Fjarðabyggð

Rekstri skíðasvæðisins í Oddsskarði hefur verið útvistað með því að gera þjónustu- og leigusamning um reksturinn við Ómar Skarphéðinsson til

Krónan hækkar verð á ávöxtum um 10 prósent

Það fyrsta sem við gerum þegar við heimsækjum Krónuna á Reyðarfirði er að velja okkur ávexti úr ávaxtaborði. Í síðustu

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!

Skrifa athugasemd

This site uses Akismet to reduce spam. Learn how your comment data is processed.