Frekjuakstur flutningabílstjóra um þjóðvegi landsins

Frekjuakstur flutningabílstjóra um þjóðvegi landsins
Mynd til áhersluauka af flutningabíl

Ökumaður jeppabifreiðar greinir frá ferðalagi sínu um þjóðvegi landsins: Á leið minni austur á firði um suður- og austurland síðast liðinn mánudag, mætti ég nokkrum stórum vöruflutningabílum, og ætti það svo sem ekki að vera í frásögu færandi, nema hvað aksturslag ökumanna þessara risa stóru bíla er í mörgum tilvikum með ólíkindum vafasamt. Undantekning er að þeir dragi úr ferð sinni, þótt þeir séu með hjólin að hluta til inn á vegahelmingi þess sem á móti ekur. -Við erum að tala um vegi og brýr m.a. á austurlandi, þar sem ökumenn venjulegra fólksbíla þurfa að sýni fyllstu aðgát og tillitssemi þegar þeir mætast.

Mynd til áhersluauka af vöruflutningabil

Vegaaxlir eru víðast vart meira en ríflega tvö fet frá malbiksbrún og eru gjarnan svikular í votviðri og leysingum. -Þú víkur ekki langt út í vegbrún ef þú mætir stórum flutningabíl dragandi eftivagn sem gjarnan er jafn umfangsmikill og flutningabíllinn sjálfur.

Og þetta er ekki allt, segir umræddur ökumaður. Í aflíðandi beygju á suðurlandi mæti ég þungaflutningabíl á hraðferð með stóra beltagröfu á pallinnum, farmurinn hallaði það ískyggilega yfir á minn vegahelming að ógn stafaði af. Þegar skyggja tók fór ég um austfirði, þar mæti ég í þrígang þunglestuðum vöruflutningabílum með aftanívagna. þeir vísuðu sér leiðina með öflugum kastaraljósum á þakskyggni. Ljós þessi voru svo öflug og blindandi að leggja þurfti út í kant meðan herlegheitin fóru hjá.

Og meira um notkun á ljósabúnaði. Ökumaðurinn segir að kannski megi flokka áðurnefnd tilvik, sem tillitsleysi og klaufaskap, en nefnir mér dæmi um hreinan ruddaskap. Honum hafi orðið á, að blikka ljósum á flutningabíl sem ekki lækkaði ljósin við mætingu. Afleiðingin varð sú að viðkomandi bílstjóri skellti á hann öflugum blindandi kastaraljósum. Þar hefði getað farið illa fyrir okkar manni, sem við þetta, sá ekki glóru þar sem hann ók um á 90 kílómetra hraða.


Tengdar greinar

Rúsínurnar níu mánuði fram yfir “Best fyrir” dagsetningu

Kannski eru rúsínur í góðu lagi þótt þær fari eitthvað fram yfir “Best fyrir” dagsetningu í matvöruverslun, en það verður

Skjólgerði og næg beit

Þeir voru þakklátir hestarnir okkar þegar við færðum til í girðingunni svo þeir fengju meiri beit. Þá smíðuðum við létt

Framkvæmdir við hesthúsið okkar

Við, ég og konan, höfum verið upptekin við að lagfæra hesthúsið okkar í sumar. Hér eru nokkra myndir sem sýna

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!

Skrifa athugasemd

This site uses Akismet to reduce spam. Learn how your comment data is processed.