Fundur með hestamönnum í Fjarðabyggð

Niðurstaða fundar var helst sú að Fjarðabyggð hefur tímabundið, fallið frá fyrirhugaðri gjaldtöku fyrir hrossabeit innan bæjarfélagsins. Nokkur umræða varð um tímalengd beitar, en í reglum bæjarfélagsins segir að henni skuli ljúka 30. desember ár hvert. Þ.e. heilsárs beit er ekki í boði. Þá verður skrifað undir 5 ára samning við hvern einstakan hestamann og/eða hagsmunafélag hans um afnot beitarhólfa. – Á næstu dögum er áætlað að fara yfir málin og skýrast þá væntanlega línur varðandi nánari úrfærslu og tilhögun. – Hestamenn virtust þokkalega sáttir við bæjarfélagið sitt að fundi loknum.

---