Gamlingjar á glæpabraut

Gamlingjar á glæpabraut

Sagan greinir frá nokkum eldri borgurum á elliheimili, þar sem niðurskurður er kominn að sársaukamörkum. Kanelsnúðarnir horfnir af matseðlinum og upphitaður bakkamatur í hvert mál. Svefntöflum er útbýtt fyrir nóttina, svo allir verði til friðs, enda fámennt í starfsmannaliðinu vegna niðurskurðar í hagræðingarskyni.

Í fréttatíma sjónvarps, er eitt sinn greint frá aðbúnaði fanga í nærliggjandi fangelsi. Þar má sjá að fangarnir búa við mun betra atlæti en þau á elliheimilinu. Fangarnir fá hlaðborð á matmálstímum, stunda líkamsrækt að vild, baða sig og fara í sturtu að eigin geðþótta og njóta viðunandi útiveru á hverjum degi.

Gamlingjarnir ræða sjónvarpsþáttinn sín á milli og ákveða að taka til sinna ráða og planleggja að komast í betra viðurværi í fangelsi.

Í stað þess að taka inn pillurnar sínar, fara þau að setja þær undir tunguna og hrækja þeim út úr sér þegar hjúkkan er farin. – Þau stunda armbeygjur og teygjuæfingar og smátt og smátt fara þau að hressast.

Þegar þarna er komið sögu, strjúka þau af heimilinu og taka til við að planleggja fjármálaglæpi sem tryggja á þeim langa og örugga fangelsisvist.

Um þessa bráðskemmtilegu gamlingja má lesa í bókinni Kaffi og rán eftir Catharina Ingelman Sundberg – Útg. 2012


Tengdar greinar

Vor í Fjarðabyggð

“Árlegt vorhreinsunarátak fer fram í Fjarðabyggð dagana 26. til 30. maí. Starfsmenn sveitarfélagsins fara um bæjarkjarna þessa daga og fjarlægja

Hvar eru flugvélarnar?

Við höfum sett inn nýjung, þar sem fylgjast má með ferðum flugvéla um allan heim. Í framtíðinni má finna slóðina

Bruðl og aftur bruðl – Guðmundur Ingi Kristinsson í fyrirspurnartíma á Alþingi

“Virðulegur forseti. Ég var að koma úr minni fyrstu utanlandsferð á vegum þingsins, af velferðarnefndarfundi Norðurlandaráðs í Nuuk í Grænlandi.

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!

Skrifa athugasemd

This site uses Akismet to reduce spam. Learn how your comment data is processed.