Gjafir eru okkur gefnar

Gjafir eru okkur gefnar

706-220Nú þegar styttist til jóla má greina að rétti jólaandinn er farinn að svífa yfir vötnum hjá stjórnarliðinu. Fjárlaganefnd, með Vigdísi Hauksdóttir í broddi fylkingar útdeilir gjöfum og heillaóskum til allra átta. Svo mikil er gjafmildin að manni er hugsað til jólalagsins góða, þar sem Skrámi kallinum, þótti nóg um gjafmildi jólasveinsins.

Fjármálaráðherra stal þó jólunum pínu lítið frá frú Vigdísi, en hann ætlar af einskærri rausn, færa þjóðinni lækkun á fyrirhuguðum matarskatti úr 12 prósentustigum niður í 11 prósent.

bjarniFjárlaganefnd ætlar að hækka fjárframlög til Landspítalans um heilan milljarð umfram það sem lagt var til í fjárlagafrumvarpi. -Væntanlega hefur fjárlaga- og Pétursnefnd komist að þeirri niðurstöðu að áður óhæfir forstöðumenn spítalans, kunni eftir allt, að fara með fjármuni.

RÚV fær allt útvarpsgjaldið á komandi ári, en til þessa hefur hluti þess farið í annað, þar sem RÚV hefur keypt svo ódýrt fjölmiðlaefni að stofnunin hefur ekki þurft á öllum tekjustofninum að halda.

Landhelgisgæslan fær 200 milljónir aukalega til rekstursins. En til gamans má geta þess að nota mætti þá upphæð til kaupa á 4.348 hríðskotabyssum frá norska hernum.

Annars er umhugsunarefni af hverju fjárlaga- og Péturnefnd eru að pönkast opinberlega í starfsmönnum ríkisstofnanna lungan úr árinu vegna meintra framúrkeyrslna, en gleðja þá síðan með svipuðum hætti og húsbóndi kastar beini í vansælan hund sinn.

Til að upphefja stemningunna, er vert að sjá myndbandið góða; Skrámur skrifar jólasveininum. 🙂


Tengdar greinar

Það var ljúft að heimsækja Alcoa-Fjarðaál…

..í dag. Þiggja veitingar af jólahlaðborði og vera leystur út með veglegri jólagjöf. Þarna hitti ég eldri vinnufélaga og rifjaði

Þegar Torfi töffari fékk klippingu – Myndasaga

Hann Torfi er bara ósköp venjulegur torfustrákur úr sveit. Hann hefur verið að safna bítlahári að undanförnu og það hefur

Ert þú háð/ur nefúða?

„Læknar í Svíþjóð hafa að undanförnu verið að gefa út viðvaranir til fólks um notkun nefúða. Sala á nefúðum hefur

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!

Skrifa athugasemd

This site uses Akismet to reduce spam. Learn how your comment data is processed.