Góð fyrirmynd – þegar vatnið er tekið af húsum okkar

Góð fyrirmynd – þegar vatnið er tekið af húsum okkar

Hluti Skólavegar sem var endurbyggður á síðasta sumri.

“Vatn verður tekið af húsum við Hjallastræti miðvikudaginn 27. september 2017.- Lokað verður fyrir vatnið kl. 08:00 og má búast við að lokað verði fyrir vatnið fram eftir degi vegna viðgerða.”

Þannig er íbúum Bolungarvíkur tilkynnt deginum áður við hverju þeir megi búast næsta dag.

Í Fáskrúðsfirði er íbúum við Skólaveg hins vegar tilkynnt í byrjun sumars, í eitt skipti fyrir öll, að þeir megi búast við vatnsleysi í húsum sínum „…af og til meðan á framkvæmdum við götu og dreifikerfi stendur“.

Að sjálfsögðu fögnum við þarfri endurbyggingu götunnar, en spyrjum hvort nauðsynlegt sé að vatn sé tekið af húsum við götuna án fyrirvara á öllum hugsanlegum tímum dags, eins og jafnan gerðist þegar innri hluti götunnar var tekin í gegn á síðasta sumri?

Þá væri fróðlegt að vita hvort framkvæmda- og umhverfissvið Fjarðabyggðar geti með einhverjum hætti skipulagt framkvæmdir þannig að tilteknir vikudagar og tímar dags verði notaðir til að skrúfa fyrir vatnið og eða það tilkynnt með dags fyrirvara?

Ástæða: Við erum þess fullviss að þvottavélar geti farið illa verði þær vatnslausar í hálfnuðu prógrami. Þá teljum við vafasamt að heitavatnskútur sé hafður á, ef vatnið er fyrirvaralaust tekið af honum.

Uppfært:

Marinó Stefánsson, sviðsstjóri framkvæmda- og umhverfissviðs, hefur sent okkur svar við fyrirspurn og segir: „Við munum auglýsa það eins vel og hægt er þegar við vitum að taka þarf vatnið af. – Hins vegar það sem var vandamál okkar í fyrra með fyrsta áfangann var hvað vatnslögnin var veik og fór í sundur við minnstu hreyfingu, af þeim völdum gátum við ekki alltaf séð það fyrir að taka þyrfti vatnið af.“ – Við þökkum Marinó fyrir greinargott svar.


Tengdar greinar

Biðlistar eftir aðgerðum – Fyrirspurn Guðmundar Inga Kristinssonar Flokki fólksins

“Virðulegi forseti. Ég ætla að beina fyrirspurn til hæstv. heilbrigðisráðherra um biðlista. Ástæða þess að ég spyr um þetta núna

Er árið 2007 að koma aftur?

Brenglun verðmætamats er það þegar óprútnum fyrirtækjum og einstaklingum tekst að tala upp verðmæti. Gera eignir og aðstöðu verðmætari en

Verðbólgudraugurinn fundinn!

Hann heldur til í dökkri byggingu við Kalkofnsveg, sem í daglegu tali kallast Svörtuloft og hýsir Seðlabanka Íslands. Draugur þessi

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!

Skrifa athugasemd

This site uses Akismet to reduce spam. Learn how your comment data is processed.