Gróðurmön í hesthúsahverfinu Fáskrúðsfirði

Á góðviðrisdögum er gjarnan kalsa gustur frá hafi í hesthúsahverfinu í Fáskrúðsfirði, svokölluð innlögn nær sér venjulega á strik þegar nálgast fer hádegi, og lægjir ekki fyrr en sól lækkar á lofti.

Það var vel þegið að bæjarfélagið losaði uppgröft frá byggingaframkvæmdum utan við hesthúsahverfið, svo úr varð nokkra metra há gróðurvana mön. Hesthúsaeigendur bættu um betur og gróðursettu tré og sitthvað fleira í hana. – Nú ári síðar gefur að líta þokkalega vel gróið svæði eins og sjá má á meðfylgjandi myndum. Eftir því sem gróður fer vaxandi gefur það fyrirheit um skjólsælla hesthúsahverfi.

---