Hækkað verðlag þrýstir á um launahækkanir

Hækkað verðlag þrýstir á um launahækkanir

Hætta er á að of miklar verðhækkanir á vörum og þjónustu leiði fyrr en síðar til aukinnar verðbólgu og krafna verkalýðsfélaga um launahækkanir til handa félagsmönnum.

Kom við í byggingavöruverslun í gær til að kaupa vinnuvettlinga sem fyrir nokkrum dögum kostuðu 999 krónur. Þeir höfðu hækkað um ca. 200 krónur frá því að ég keypti þá síðast fyrir nokkrum dögum síðan. Benti afgreiðslumanni á að hilluverðið væri enn 999 krónur, og slapp fyrir horn.

Úrethan trélím í hálfs líters pakkningu er boðið á ríflega 3600 krónur. Við leit í hillu fannst sambærilegt lím á 1.600 krónur.

Tveggja metra kapall fyrir jarðtengingu á rafmagnsgeymi í trillubát, kostar á sjöunda þúsund krónur í ónefndri rafvöruverslun á Reyðarfirði. Ástæða okurverðsins sögð að kílóverð á kopar sé 900 krónur á heimsmarkaði.

Í bensínsjoppu á Reyðarfirði kostar Kóka Cola í hálfs líters flösku 252 krónur, lítraverð reiknast 504 krónur, séu keyptar tvær 1/2 líters flöskur. – Hér er um litað íslenskt kranavatn að ræða með lítilsháttar bragð- og litarefnum. – Bensín og diesel á bílinn er helmingi ódýrara en þessi eðalvökvi. – Eldsneytisvörur eru þó unnar úr jörðu með ærnum tilkostnaði og fluttar yfir hálfan hnöttinn eftir hreinsun og fullvinnslu.

Hversdags ís með súkkulaði, kostar 664 krónur hjá Sparkaupum Fáskrúðsfirði en 397 krónur hjá Krónunni Reyðarfirði. Þarna munar tæplega 70% á verði, eða 267 krónum. – Spurning hvort allt þurfi að verðleggjast upp í rjáfur hjá verslunum sem kenna sig við “sparkaup”. – Með tilkomu gangnanna er ferð á Reyðarfjörð eða upp á Hérað fljót að borga sig ef aðrir vöruflokkar eru verðlagðir með sambærilegum hætti.


Tengdar greinar

Fyrirspurn um opnunartímar sorphirðustöðva

Eigna- skipulags- og umhverfisnefnd hefur afgreitt skriflega fyrispurn varðandi misræmi í opnunartíma sorphirðustöðva í hinum ýmsu byggðarlögum, með þeim hætti

Vigdís Hauksdóttir og Landsspítalinn – Myndbönd

Þingflokksformenn minnihlutans á alþingi harma framgöngu Vigdísar Hauksdóttur í málefnum Landsspítalans. Sjá myndbönd: Frétt um málefnið Umræða á alþingi

Ný flugáætlun Egilsstaðir – London

Ég hef gjarnan velt fyrir mér af hverju ekki er beint flug frá Egilsstöðum til London og eins borga í

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!

Skrifa athugasemd

This site uses Akismet to reduce spam. Learn how your comment data is processed.