Íslenska svefnbæjar heilkennið
Svefnbær er staður þar sem fólk hverfur inn í hús sín og sefur. Í svefnbæ er nánast ekkert að gerast frá degi til dags, enda flestir sofandi eða farnir til vinnu. Gangi maður um svefnbæ, sjást fáir á ferli. Einskær heppni er að hitta fyrir mann sem er að mála og skrapa bát eða dytta að húsi sínu. – Svefnbær sefur draumlausum svefni.
Hvernig verður svefnbær til?
Þetta byrjar oft með sameiningu sveitarfélaga í hagræðingarskyni. Eigendur fyrirtækja á staðnum fá sambærilegar hugmyndir, þjónustan hörfar inn að meintu miðsvæði sameiningar. – Fólk hættir að sjást á götum, enda engin erindi að reka í svefnbæ. – Miðbær finnst ekki í slíkum bæ, enda ekki ætlast til að fólk komi saman í miðbæjum svefnbæja.
Félagslíf
Unga fólkið flýr inn að kjarnanum, þar sem fjörið er. – Gamlingum er boðið upp á framsóknarvist einu sinni í viku í boði bæjarfélagsins. – Brölt manna, sem framkallar óvæntan hávaða og raskar ró þeirra sem sofa, er illa séð í svefnbæ. – Svefnbær er samfélag syfjaðs fólks sem þráir hvíld eftir erfiðan vinnudag.
Tengdar greinar
Þegar við fengum þann “stóra”
Eitt sinn sem oftar fórum við hjónin til fiskjar á bátnum okkar. Þvældumst um allan fjörð og urðum ekki vör
Eru þvottavélar einnota? – Electrolux þvottavél í viðgerðarferli
Eftir 5 ára þjónustu bilaði Electrolux þvottavélin okkar, vélin gerðist hávær, sérstaklega þegar þeytivindan fór í gang. Eftir smá pælingu
Nýtt ár, fjölskyldan í heimsókn
Stóru stundirnar eru þegar börn og barnabörn ásamt systkinum koma í heimsókn. Margt var brallað um áramót, flugeldum skotið upp
