Jákvæðar hugmyndir í gerjun á Stöðvarfirði

Jákvæðar hugmyndir í gerjun á Stöðvarfirði

Atvinnustarfsemin hrundi á Stöðvarfirði, tveir togarar voru seldir burt og fiskvinnslan hætti. Íbúum fækkaði um helming, – dagvöruverslun lagðist af, bankanum og pósthúsinu var lokað. Íbúðaverð féll.

Nú, mitt í umræðunni um að allt þurfi að sameina í hagræðingarskyni, þar sem fátt eitt borgi sig,  koma fram ung hjón með ólíkar skoðanir á hlutunum. Ívar Ingimarsson fyrrverandi knattspyrnumaður og eiginkona hans Hrefna Dagbjört Arnardóttir hafa keypt jörðina Óseyri í botni Stöðvarfjarðar og hafið skógrækt og hyggjast reisa og reka þar hótel.

Á sama tíma er verið að dubba upp gamla frystihúsið á staðnum. Það var að hruni komið og fátt eitt eftir en að setja á það “kúluna”. Þarna ætla þau Rósa Valtingojer og maður hennar, Zdenek Paták að byggja upp sköpunarmiðstöð. Hugmynd þeirra gengur út á að bjóða listamönnum til starfsdvalar í húsinu og hafa þau fengið góðar viðtökur.

Full ástæða er til bjartsýni þegar ungt fólk með sköpunargáfu ræktar og byggir upp með þessum hætti.


Tengdar greinar

Opnanlegur fæðukassi fyrir hænurnar

Frábær hugmynd fyrir þá sem rækta hænur og vilja ná fram hagræðingu í fóðurgjöfinni. Svo er hér sambærileg hugmynd úr

Góð sparnaðarráð fyrir okkur – Gætu hentað þér

Við Gerum stóru innkaupin í stórmarkaði/lágvöruverðsverslun, -allt að helmings verðmunur er á sumum vörum. Við slökkvum ljósin yfir hádaginn, förum

Gleðitíðindi fyrir skíðafólk í Fjarðabyggð

Rekstri skíðasvæðisins í Oddsskarði hefur verið útvistað með því að gera þjónustu- og leigusamning um reksturinn við Ómar Skarphéðinsson til

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!

Skrifa athugasemd

This site uses Akismet to reduce spam. Learn how your comment data is processed.