Landsmenn rændir með reikningskúnstum

Landsmenn rændir með reikningskúnstum

Í Bændablaðinu þann 1. júní sl. segir Hörður Kristjánsson: „Það er afar áhugavert að fylgjast með tölum Seðlabanka Íslands um verðbólgu á Íslandi þessa dagana í samanburði við tölur Eurostat, hagstofu Evrópusambandsins. Þó okkur sé talin trú um að hagspekin sé sú sama þá er niðurstaða hagfræðinga hvort sínum megin Atlantsála gjörólík.

Seðlabanki Íslands segir okkur að hamingja okkar felist í þeirri einstöku snilld að halda stýrivöxtum eins háum og mögulegt er. Það hafi hemil á efnahagslífinu og dragi úr þenslu og hættunni á verðbólgu.

Stýrivextirnir, sem nú má ekki kalla annað en meginvexti, eru 4,25% og hafa ekkert breyst síðan 18. apríl. Lengst af á síðustu misserum hafa þeir reyndar verið yfir 5%. Svo segir Seðlabankinn okkur að verðbólgan sé 2,3% og þá er að sjálfsögðu reiknað samkvæmt séríslenskri hagspeki með húsnæðisliðinn inni í jöfnunni, sem önnur Evrópulönd gera ekki. Þannig fá stjórnendur banka heimild til að reikna 2,3% verðbólgu ofan á öll verðtryggð lán landsmanna og glotta út í annað. Enda skiluðu fjármálastofnanir hver um sig tugum milljarða í gróða á síðasta ári og gera enn. Því hærra sem húsnæðisverð skrúfast upp, því meira græða bankarnir.“ Sjá alla greinina hér


Tengdar greinar

Fiskeldi Austfjarða kemur sér fyrir í Fáskrúðsfirði

Fiskeldi Austfjarða hefur sótt um athafnasvæði til samsetningar á sjókvíum sínum hér í Fáskrúðsfirði. Svæðið sem um ræðir er innan

Letilegur naumhyggjustíll í fundagerðum Fjarðabyggðar

Vefsvæði fjarðabyggðar er glæsilegt að uppbyggingu og hefur alla burði til að vera upplýsandi fyrir þá sem vilja fylgjast með

Ferð til Akureyrar vegna lækninga

Eftir sneyðmyndatöku hér fyrir austan, þótti nauðsynlegt að senda sjúkling í segulómskoðun á Akureyri, þar sem sneyðmyndataka þótti ekki fullnægjandi.

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!

Skrifa athugasemd

This site uses Akismet to reduce spam. Learn how your comment data is processed.