Launþegar í fortíð nútíð og nánustu framtíð
Fyrir nokkrum áratugum tíðkaðist að atvinnurekendur greiddu launþegum afrakstur erfiðisins í beinhörðum peningum. Gjarnan var þetta þannig að gjaldkeri eða framkvæmdastjóri fyrirtækisins gekk á milli manna og rétti hverjum og einum brúnt eða hvítt umslag með nafninu sínu. Innihaldið var andvirði erfiðisins í krónum og aurum talið í lok hverrar vinnuviku.
Löngu seinna eða um það leyti sem almenningur fór að notast við ávísanahefti, buðu atvinnurekendur launþegum að fá launin greidd inn á ávísanareikninga sína. Enginn sérstakur aukakostnaður varð af þessu fyrirkomulagi.
Árin líða og við erum komin fram til ársins 2016. Launþegar fá laun sín inn á bankareikninga tengdum heimabanka, þaðan útdeila þeir þeim í mánaðarleg útgjöld. Vinnulaunin eru svo sem geldar tölur á skjá þegar hér er komið, en kerfið virkar ágætlega.
Í dag má lesa í fjölmiðlum að bankarnir hyggist innheimta fyrir aðgengi að heimabönkum. Hver heimsókn í heimabanka skuli kosta svo og svo margar krónur. Sem í raun þýðir að þú lesandi góður þarft að greiða fyrir að hafa aðgengi að launununum þínum. – Erum við ekki komin á þann stað að víð þurfum að fá launin okkar útborguð í brúnu eða hvítu umslagi?
Tengdar greinar
Fjárlagafrumvarpið – Aldraðir og öryrkjar mega éta það sem úti frýs
Stjórnarandstaðan barðist hetjulega fyrir bættum kjörum öryrkja og aldraðra í umræðu um fjárlagafrumvarpið, án árangurs. Fróðlegt var að fylgjast með
Glerártorg Akureyri – dýr verslunarstaður
Við vorum á Akureyri í vikunni og álpuðumst inn í verslunarkjarna staðarins við Glerártorg. Það var sama hvar skoðað var,
Kartöflusalatið 6 daga fram yfir Best fyrir dagsetningu
Í ný útgefnum og rýmkuðum reglum/leiðbeiningum MAST, Matvælastofnunar, er varða merkingar og geymsluþol matvæla er farið yfir markaðssetningu á matvælum
