Loðin markaðssetning á vöru og þjónustu

Mörg af stærstu og virtustu fyrirtækjum landsins auglýsa fjálglega í sjónvarpi og öðrum fjölmiðlum. Þegar vefsvæðum þessara fyrirtækja er flett upp á internetinu, er fátt um haldbærar upplýsingar, allra síst hvað varan kostar. – Skilaboð þess efnis að setja sig í samband við sölumann, segir mér sem væntanlegum kaupanda að fyrirtækið treystir sér ekki í verðsamanburð við önnur fyrirtæki og vilji nýta sölumanninn til þess að sannfæra viðskiptavininn um að hann þurfi að greiða hærra verð fyrir margrómuð gæði, sem sölumaðurinn tíundar í símann. – Oftast er niðurstaðan sú, að ég finn annað fyrirtæki með sambærilega vöru í vefverslun, set hana í körfu, greiði fyrir með korti og fæ hana senda hingað austur.

---