Milljarðabónusar – Verkalýðsfélag Akraness ályktar

Milljarðabónusar – Verkalýðsfélag Akraness ályktar

vilhjamur_birgisson“Stjórn Verkalýðsfélags Akraness skorar á Alþingi að setja lög sem kveða á um 95% skatt á fyrirhugaða milljarðabónusa sem stjórnarmenn föllnu bankanna hafa í hyggju að greiða sér út á næstunni.

Stjórn Verkalýðsfélags Akraness telur mikilvægt að minna á að gömlu viðskiptabankarnir þrír bera ábyrgð á og skildu eftir sig slóð eyðileggingar í íslensku samfélagi. Eyðileggingin birtist m.a. í því að kaupmáttur launafólks féll eins og steinn, verðtryggðar skuldir heimilanna stökkbreyttust á nokkrum mánuðum sem leiddi til þess að uppundir 10 þúsund fjölskyldur misstu heimili sitt á uppboð, sparnaður almennings og eldri borgara gufaði að stórumhluta upp að ógleymdu því að lífeyrir launafólks hefur verið skertur um allt að 200 milljarða vegna 500 milljarða taps lífeyrissjóðanna á glórulausum fjárfestingum í fjármálakerfinu.

Í ljósi þessarar eyðileggingar föllnu bankanna á íslensku samfélagi skorar stjórn Verkalýðsfélags Akraness á Alþingi Íslendinga að leggja nú þegar fram frumvarp að lögum sem kveður á um 95% skatt á þessa ofurbónusa sem nokkrir einstaklingar hafa í hyggju að skammta sér.

Stjórn VLFA harmar það að stjórnir föllnu bankanna ætli að misbjóða íslenskum almenningi með þessari sjálftöku sem einkennist af græðgi og spillingu.” Akranesi 30. ágúst 2016 Sjá hér. – Ath. Vefslóð hefur verið færð til.


Tengdar greinar

Píratar fjármagna sig með hópfjármögnun

Píratar hafa í samstarfi við Karolínafund hrundið af stað söfnun til að fjármagna kosningabaráttu sína. Á vefsvæði Pírata segir: “Frá

Er ævintýralegur þorskafli á grunnsævi, hrygningarfiskur?

Fréttir greina frá mokafla á boltaþorski á grunnsævi. Í frétt á aflafréttir.is: segir; “Þorskurinn í þessu hali var allt 20

Bæjarráð fundar með framkvæmdastjóra Krónunnar í Reyðarfirði

Nýlega fundaði bæjarráð Fjarðabyggðar með Grétu Maríu Grétarsdóttur framkvæmdastjóra Krónunnar. Á þeim fundi var rætt um starfsemi verslunar Krónunnar á

Engar athugasemdir

Skrifa athugasemd
Engar athugasemdir! Þú getur verið fyrst/ur til skrifa við þessa færslu!

Skrifa athugasemd

This site uses Akismet to reduce spam. Learn how your comment data is processed.