Náttúrupassinn góði

29 jan, 2015

Prenta grein Leturstærð -16+

Ragnheiður Elín Árnadóttir. ferðamálaráðherra

Í dag verður mælt fyrir svokölluðum náttúrupassa á Alþingi íslendinga. Flutningsmaður er Ragnheiður Elín Árnadóttir, ferðamálaráðherra. Passi þessi gerir ráð fyrir að allir sem eru orðnir 18 ára og ætla að heimsækja ferðamannastað sem á aðild að passanum, skuli afla sér náttúrupassa að andvirði 1.500 krónur eða sæta sektar að upphæð 15.000 ella.

Með náttúrupassanum ætlar ríkið að afla sér tekna af innlendum sem erlendum ferðamönnum, svo standa megi straum að kostnaði við gerð útsýnispalla, göngustíga og útikamra.

Tekjur af ferðamönnum námu 275 milljörðum, eða með öðrum orðum, 275 þúsund milljónir á árinu 2013 – Ferðaþjónustan er stærsta útflutningsgrein landsins og stefnir hraðbyr í að skila okkur langt yfir 300 milljörðum á þessu ári.

Þarf þessi stærsta útflutningsgrein okkar að sækja fjármögnun við gerð útikamra, göngustíga og útsýnispalla í vasa almennings til að vera sjálfbær?